ആദ്യ ആഷസ് ടെസ്റ്റിനുള്ള ഓസ്ട്രേലിയൻ ടീമിനെ പ്രഖ്യാപിച്ചു. സ്റ്റീവ് സ്മിത്തിനെ നായകനാക്കി 15 അംഗ ടീമിനെയാണ് പ്രഖ്യാപിച്ചിരിക്കുന്നത്. മാർനസ് ലബുഷെയ്ൻ ടീമിൽ തിരിച്ചെത്തി. ജെയ്ക് വെതാള്ഡ്, ബ്രണ്ടന് ഡോഗെറ്റ്, സീന് അബോട്ട് എന്നിവരാണ് ടെസ്റ്റ് ടീമിനെ പുതുമുഖങ്ങള്. സാം കോണ്സ്റ്റാസിനെ ടെസ്റ്റ് ടീമില് നിന്നൊഴിവാക്കി.
വെസ്റ്റ് ഇന്ഡീസിനെതിരായ മോശം പ്രകടത്തിന് പിന്നാലെയാണ് കോണ്സ്റ്റാസിനെ ടീമില് നിന്ന് ഒഴിവാക്കിയത്. കരീബിയന് പര്യടനത്തില് ആറ് ഇന്നിംഗ്സുകളില് നിന്ന് 50 റണ്സ് മാത്രമേ കോണ്സ്റ്റാസിന് നേടാനായുള്ളൂ, അതില് രണ്ട് തവണ പൂജ്യത്തിന് പുറത്തായി. മാത്യു റെന്ഷ്വ, മിച്ചല് മാര്ഷ് എന്നിവരും ടീമിലില്ല.
ജൂലൈയില് വെസ്റ്റ് ഇന്ഡീസിനെതിരെ പരമ്പരയില് പരിക്കേറ്റ പാറ്റ് കമ്മിന്സിനെ ടീമില് ഉള്പ്പെടുത്തിയിട്ടില്ല. രണ്ടാം ടെസ്റ്റ് മുതല് കമ്മിന്സ് ടീമിലുണ്ടായേക്കും.
ആദ്യ ടെസ്റ്റിനുള്ള ഓസീസ് ടീം: സ്റ്റീവ് സ്മിത്ത് (ക്യാപ്റ്റന്), സീന് അബോട്ട്, സ്കോട്ട് ബോളണ്ട്, അലക്സ് ക്യാരി, ബ്രെന്ഡന് ഡോഗെറ്റ്, കാമറൂണ് ഗ്രീന്, ജോഷ് ഹേസല്വുഡ്, ട്രാവിസ് ഹെഡ്, ജോഷ് ഇംഗ്ലിസ്, ഉസ്മാന് ഖവാജ, മാര്നസ് ലാബുഷാനെ, നഥാന് ലിയോണ്, മിച്ചല് സ്റ്റാര്ക്ക്, ജെയ്ക്ക് വെതറാള്ഡ്, ബ്യൂ വെബ്സ്റ്റര്.