ന്യൂസിലൻഡ്, ചെന്നൈ സൂപ്പർ കിംഗ്സ് (സിഎസ്കെ) പേസർ കെയ്ൽ ജാമിസൺ 2023 ലെ ഇന്ത്യൻ പ്രീമിയർ ലീഗിൽ കളിക്കില്ല എന്ന റിപ്പോർട്ടുകളാണ് ഇപ്പോൾ പുറത്ത് വരുന്നത്. കൂടാതെ ബാക്ക് സ്ട്രെസ് ഫ്രാക്ചർ കാരണം ഇംഗ്ലണ്ട് ടെസ്റ്റ് പരമ്പര നഷ്ടമാകും. അതിനാൽ തന്നെ താരത്തിന്റെ കാര്യത്തിൽ ഇരുടീമുകളും നിരാശരാണ്.
കഴിഞ്ഞ ജൂണിലാണ് താരത്തിന് പരിക്കേറ്റത്. അതിനുശേഷം മടങ്ങിവരവിനായി മികച്ച രീതിയിൽ ശ്രമിക്കുക ആയിരുന്ന താരത്തിന് വളരെ അപ്രതീക്ഷിതമായിട്ടാണ് വീണ്ടും ബുദ്ധിമുട്ടുകൾ നേരിട്ടത്. കിവീസിനെ സംബന്ധിച്ച് അവർ ഏറെ പ്രതീക്ഷയോടെയാണ് താരത്തിന്റെ മടങ്ങിവരവിനായി കാത്തിരുന്നത്. ലോക ടെസ്റ്റ് ചാംപ്യൻഷിപ് ഫൈനലിൽ ഇന്ത്യയെ തോൽപ്പിക്കുന്നതിൽ ടീമിനായി നിർണായക പങ്ക് വഹിച്ച ആളാണ് ജാമിസൺ.
ഐപിഎൽ മിനി ലേലത്തിൽ, ചെന്നൈ താരത്തെ ടീമിലെത്തിച്ചതാണ്. ബോളറുമാരുടെ കാര്യത്തിൽ കഴിഞ്ഞ വര്ഷം പ്രശ്നം നേരിട്ട് ചെന്നൈ അതിലൊരു മാറ്റം വരുത്താനാണ് ജാമിസനെ ടീമിൽ എടുത്തത് . പകരക്കാരനെ ചെന്നൈ ഉടൻ പ്രഖ്യാപിക്കും.