ഐപിഎലിൽ ഇന്നലെ നടന്ന മത്സരത്തിൽ ഡൽഹി ക്യാപിറ്റൽസിനെ നിലം തൊടിയിക്കാതെ റോയൽ ചലഞ്ചേഴ്സ് ബെഗളൂരു. ഡൽഹിയെ 9 വിക്കറ്റുകൾക്കാണ് ആർസിബി പരാജയപ്പെടുത്തിയത്. ഭുവനേശ്വർ ഹേസൽവുഡ് എന്നി താരങ്ങളുടെ മികച്ച ബോളിങ് പ്രകടനമാണ് ഡൽഹിയെ തകർക്കാൻ നിർണായക പങ്ക് വഹിച്ചത്.
7 റൺസ് നേടുന്നതിന് മുൻപ് തന്നെ ഡൽഹിയുടെ 6 വിക്കറ്റുകളും ആർസിബി എറിഞ്ഞിട്ടു. ഡൽഹി താരങ്ങളായ സഹീൽ പരേഖ്, അക്സർ പട്ടേൽ, സമീർ റിസ്വി എന്നിവർ ഗോൾഡൻ ഡക്കായും, നിതീഷ് റാണ, കെ എൽ രാഹുൽ എന്നിവർ ഓരോ റൺസുമായും, ട്രിസ്റ്റിൻ സ്റ്റബ്ബ്സ് 5 റൺസും നേടി. നിലവിൽ രണ്ടക്കം കടന്നത് ഡേവിഡ് മില്ലർ (19) അഭിഷേക് പോറൽ 30 കെയിൽ ജെയ്മിസൺ 12 എന്നിവർ മാത്രമാണ്.
ആർസിബിക്കായി ദേവദത്ത് പടിക്കൽ 34* റൺസും, വിരാട് കോഹ്ലി 23* റൺസും ജേക്കബ് ബദൽ 20 റൺസും നേടി മത്സരം വിജയിപ്പിച്ചു. ഇന്നലെ നടന്ന മത്സരത്തിലൂടെ ഐപിഎൽ പർപ്പിൾ ക്യാപ്പ് സ്വന്തമാക്കിയിരിക്കുകയാണ് ഇന്ത്യൻ താരം ഭുവനേശ്വർ കുമാർ. 8 മത്സരങ്ങളിൽ നിന്നുമായി 14 വിക്കറ്റുകളാണ് താരം നേടിയത്.
മൂന്നു വിക്കറ്റുകളാണ് താരം നേടിയത്. കൂടാതെ 8 മത്സരങ്ങളിൽ നിന്നുമായി 351 റൺസ് നേടി ഓറഞ്ച് ക്യാപ്പ് പട്ടികയിൽ നാലാം സ്ഥാനത്താണ് വിരാട് കോഹ്ലിയുള്ളത്. പ്രായത്തെ വെല്ലുന്ന പ്രകടനം നടത്തുന്ന കോഹ്ലി ഭുവനേശ്വർ കൂട്ടുകെട്ട് വരും തലമുറയ്ക്ക് പ്രചോദനമാണെന്നാണ് ആരാധകരുടെ വിലയിരുത്തൽ.