ഐസിസി ഏകദിന ലോകകപ്പിനുള്ള അഫ്ഗാനിസ്ഥാന്‍ ക്രിക്കറ്റ് ടീമിനെ പ്രഖ്യാപിച്ചു. ഹഷ്മത്തുള്ള ഷാഹിദിയെ നായകനാക്കി 15 അംഗ സ്‌ക്വാഡിനെയാണ് അഫ്ഗാന്‍ പ്രഖ്യാപിച്ചത്. ഇതില്‍ ഒരു താരത്തിന്റെ സാമിപ്യം ഇന്ത്യന്‍ സൂപ്പര്‍ താരം വിരാട് കോഹ്‌ലിയെയും ആരാധകരെയും ഏറെ സന്തോഷത്തിലാക്കിയിട്ടുണ്ട്.
ടീമില്‍ ഫാസ്റ്റ് ബൗളര്‍ നവീന്‍ ഉള്‍ ഹഖ് ഇടംപിടിച്ചിട്ടുണ്ട്. ഏഷ്യ കപ്പിനുള്ള ടീമില്‍ താരം ഇടം പിടിച്ചിരുന്നില്ല. എന്നാല്‍ ഐസിസി ഏകദിന ലോകകപ്പില്‍ ഇരുവരും തമ്മിലുളള പോരാട്ടം കാണുവാന്‍ ആരാധകര്‍ക്ക് സാധിക്കും.
ഐപിഎല്‍ 2023-ല്‍ ഇരുവരും തമ്മില്‍ രൂക്ഷമായ വഴക്കുണ്ടായിരുന്നു. ഇതിന്റെ കണക്ക് ഏഷ്യാ കപ്പില്‍ തീര്‍ക്കാമെന്ന് ആരാധകര്‍ പ്രതീക്ഷിച്ചിരുന്നെങ്കിലും താരം ടൂര്‍ണമെന്റിന് തിരഞ്ഞെടുക്കപ്പെട്ടതുമില്ല, അഫ്ഗാന്‍ സൂപ്പര്‍ ഫോറിലേക്ക് കടന്നതുമില്ല. അതിനാല്‍ ഇന്ത്യയില്‍ നടക്കാനിരിക്കുന്ന ഏകദിന ലോകകപ്പില്‍ വിരാട് കോഹ്ലി vs നവീന്‍ ഉള്‍ ഹഖ് 2.0 ഏറ്റുമുട്ടലിനായുള്ള കാത്തിരിപ്പിലാണ് ആരാധകര്‍.
ഐസിസി ഏകദിന ലോകകപ്പിനുള്ള അഫ്ഗാന്‍ ടീം:
ഹഷ്മത്തുള്ള ഷാഹിദി (C), റഹ്‌മാനുള്ള ഗുര്‍ബാസ്, ഇബ്രാഹിം സദ്രാന്‍, റിയാസ് ഹസ്സന്‍, റഹ്‌മത്ത് ഷാ, നജീബുള്ള സദ്രാന്‍, മുഹമ്മദ് നബി, ഇക്രം അലിഖില്‍, അസ്മത്തുള്ള ഒമര്‍സായി, റാഷിദ് ഖാന്‍, മുജീബ് ഉര്‍ റഹ്‌മാന്‍, നൂര്‍ അഹമ്മദ്, ഫസല്‍ റഹ്‌മാന്‍, ഫസല്‍ഹഖ്വീന്‍.