കഴിഞ്ഞ ദിവസം നടന്ന ടി-20 ലോകകപ്പ് സൂപ്പർ 8 ഘട്ടത്തിലെ ആദ്യ മത്സരത്തിൽ ഇന്ത്യ സൗത്ത് ആഫ്രിക്കയോട് തോറ്റിരുന്നു. സൗത്ത് ആഫ്രിക്കയോട് 76 റൺസിനാണ് ഇന്ത്യ പരാജയം ഏറ്റു വാങ്ങിയത്. ഇന്ത്യയുടെ എല്ലാ ഡിപ്പാർട്മെന്റും വളരെ മോശമായ പ്രകടനമാണ് കാഴ്ച വെച്ചത്.
ഇപ്പോഴിതാ ദക്ഷിണാഫ്രിക്കയ്ക്കെതിരെ ഇന്ത്യ പരാജയം വഴങ്ങിയതിന് പിന്നാലെ വിമർശനവുമായി ഇന്ത്യയുടെ മുൻ സഹപരിശീലകൻ അഭിഷേക് നായർ സംസാരിച്ചിരിക്കുകയാണ്.
‘ആരാണ് സ്ട്രൈക്ക് ഏറ്റെടുക്കുന്നത് എന്നതിനെക്കുറിച്ച് ഇഷാൻ കിഷനും അഭിഷേകിനും ഇടയിൽ തമ്മിൽ വളരെ അസ്വസ്ഥമായ ചർച്ചയായിരിക്കും ഉണ്ടാവുക. കാരണം പെട്ടെന്ന് അദ്ദേഹം മികച്ച ഫോമിൽ ആയിരുന്ന ഇഷാൻ കിഷന് പൂജ്യങ്ങളുടെ ബാറ്റൺ കൈമാറിയിരിക്കുകയാണ്. ഇന്ത്യയെ സംബന്ധിച്ചിടത്തോളം ഇത് ഒരു പ്രശ്നമാണ്’, അഭിഷേക് നായർ പറഞ്ഞു.