ഐപിഎലില് ഇന്ന് പഞ്ചാബ് കിങ്സ്-മുംബൈ ഇന്ത്യന്സ് ക്വാളിഫയര് 2 പോരാട്ടമാണ്. ഫൈനലില് ആര്സിബിയുടെ എതിരാളികള് ആരായിരിക്കുമെന്ന് ഈ മത്സരത്തോടെ അറിയാം. വലിയ വിജയപ്രതീക്ഷയോടെയാണ് പഞ്ചാബും മുംബൈയും ഇന്നത്തെ മത്സരത്തിനിറങ്ങുന്നത്. ഐപിഎലിലെ തങ്ങളുടെ ആദ്യ കിരീടം നേടാന് പഞ്ചാബും ആറാം കിരീടം ലക്ഷ്യമിട്ട് മുംബൈ ഇന്ത്യന്സും എത്തുന്നു. അഹമ്മദാബാദിലെ നരേന്ദ്ര മോദി സ്റ്റേഡിയത്തില് വച്ചാണ് ക്വാളിഫയര് 2 പോരാട്ടം.
മത്സരത്തിന് മുന്പായി ഇന്ന് മുംബൈക്കായി അഞ്ച്, ആറ് ബാറ്റിങ് പൊസിഷനില് ആരൊക്കെയാണ് മികച്ച ഓപ്ഷനുകള് എന്ന് പറയുകയാണ് മുന് ഇന്ത്യന് താരവും കമന്റേറ്ററുമായ ആകാശ് ചോപ്ര. ഹാര്ദിക് പാണ്ഡ്യയും നമന് ദീറും തന്നെയാണ് ഈ സ്ഥാനങ്ങളിലേക്കുളള മികച്ച ഓപ്ഷനെന്ന് ആകാശ് ചോപ്ര പറയുന്നു.
‘പഞ്ചാബിനായി 5 മുതല് 7 വരെ ബാറ്റിങ് പൊസിഷനുകളില് ആരൊക്കെയാവും ഇറങ്ങുക? നേഹാല് വധേര, ശശാങ്ക് സിങ്, മാര്ക്കസ് സ്റ്റോയിനസ് എന്നിവര് തന്നെ ഇറങ്ങിയേക്കും. മുംബൈ ഇന്ത്യന്സിനാണെങ്കില് ഹാര്ദിക് പാണ്ഡ്യ, നമന് ദീര്, രാജ് അങ്കദ് ബാവ എന്നിവരായിരിക്കും ആ പൊസിഷനില് ഇറങ്ങുക. രാജ് അംഗദ് ബാവ ഒരു ചെറിയ വൈല്ഡ് കാര്ഡ് എന്ട്രി ആയിട്ടാണ് എത്തിയത്’.
‘നമന് ദീറും ഹാര്ദിക് പാണ്ഡ്യയും ഈ ടീമിലെ നിര്ണായക ഘടകങ്ങളാണ്. നമന് ദീര് ഇതിനോടകം മികച്ച ഇന്നിങ്സുകള് കാഴ്ചവച്ചിട്ടുണ്ട്. പഞ്ചാബുകാരനാണ് അവന്. നിരവധി നിര്ണായക ഇന്നിംഗ്സുകള് അദ്ദേഹം കളിച്ചിട്ടുണ്ട്, കൂടാതെ അദ്ദേഹം സിക്സറുകള് നേടുന്ന കളിക്കാരനുമാണ്’, ആകാശ് ചോപ്ര കൂട്ടിച്ചേര്ത്തു.