ഐപിഎലില് കൊല്ക്കത്ത നൈറ്റ് റൈഡേഴ്സ് താരം റിങ്കു സിംഗ് തന്റെ മകന്റെ ഓവറില് അഞ്ച് സിക്സ് നേടിയ സംഭവത്തിനു ശേഷം താനും കുടുംബവും നേരിട്ട പരിഹാസങ്ങള് വെളിപ്പെടുത്തി പേസര് യഷ് ദയാലിന്റെ പിതാവ് ചന്ദ്രപാല് ദയാല്. ആ മത്സരത്തിന് ശേഷം വലിയൊരു അപകടം സംഭവിച്ച പ്രതീതിയായിരുന്നു തങ്ങള്ക്കെന്നും സ്കൂള് കുട്ടികള് പോലും പരിഹസിക്കുകയായിരുന്നെന്നും ചന്ദ്രപാല് വെളിപ്പെടുത്തി.
സത്യം പറഞ്ഞാല് അന്ന് ഞങ്ങളെ സംബന്ധിച്ച് വലിയൊരു അപകടം സംഭവിച്ച പ്രതീതിയായിരുന്നു. വീടിനു മുന്നിലൂടെ സ്കൂള് ബസുകള് കടന്നുപോകുമ്പോഴായിരുന്നു ഏറ്റവും പ്രയാസം. കുട്ടികള് ‘റിങ്കു സിംഗ്, റിങ്കു സിംഗ്, അഞ്ച് സിക്സറുകള്’ എന്ന് അലറിവിളിക്കും.
ഇത് വളരെ വേദനാജനകമായിരുന്നു- എന്തുകൊണ്ടാണ് എന്റെ മകന് ഇത് സംഭവിച്ചത്? തന്റെ കരിയര് പുനര്നിര്മ്മിക്കേണ്ടതിനാല് യഷ് ഷെല്ലിലേക്ക് പോയതിനാല് അവന്റെ അമ്മ രാധ ഭക്ഷണം കഴിക്കാന് പോലും വിസമ്മതിച്ചു- യാഷിന്റെ അച്ഛന് പിടിഐയോട് പറഞ്ഞു.
2023ലെ ഐപിഎലില് അവസാന അഞ്ച് പന്തില് 28 റണ്സ് വേണ്ടിയിരിക്കെ, കൊല്ക്കത്ത നൈറ്റ് റൈഡേഴ്സ് (കെകെആര്) ബാറ്റര് റിങ്കു സിംഗ് അസാധാരണമായ ആക്രമണം നടത്തി, ദയാലിനെ തുടര്ച്ചയായി അഞ്ച് സിക്സറുകള് പറത്തി. ഐപിഎല് ചരിത്രത്തിലെ ഏറ്റവും അവിസ്മരണീയമായ ഫിനിഷുകളിലൊന്നായി ഇത് അടയാളപ്പെടുത്തി.
സംഭവം റിങ്കുവിനെ പുതിയ ഉയരങ്ങളിലേക്ക് നയിച്ചെങ്കിലും ഇത് ദയാലിന്റെ കരിയറിലെ ഏറ്റവും താഴ്ന്ന പോയിന്റായിമാറി. കാരണം ഐപിഎല് 2023 വെറും രണ്ട് വിക്കറ്റുകളാണ് താരത്തിന് വീഴ്ത്താനായത്.