അബുദാബി ബിഗ് ടിക്കറ്റ് നറുക്കെടുപ്പില് പ്രവാസിയായ മലയാളി യുവാവിന് ഒരു കോടി രൂപയുടെ (5 ലക്ഷം ദിര്ഹം) സമ്മാനം. പാലക്കാട് പട്ടാമ്പി വല്ലപ്പുഴ സ്വദേശി അനസ് മേലേതലക്കലിനെയാണ് ചൊവ്വാഴ്ച നടന്ന നറുക്കെടുപ്പിലൂടെ ഭാഗ്യം കടാക്ഷിച്ചത്.
ഖത്തറിലെ നാഷനല് എക്സ്ചേഞ്ച് ഉദ്യോഗസ്ഥനായ അനസും 9 സുഹൃത്തുക്കള് ചേര്ന്നാണ് ടിക്കറ്റ് എടുത്തത്. പതിവായി ടിക്കറ്റെടുക്കുന്നുണ്ടെങ്കിലും ആദ്യമായാണ് അനസിന്റെ പേരില് എടുക്കുന്നത്.
ബിഗ് ടിക്കറ്റിന്റെ പ്രതിവാര നറുക്കെടുപ്പില് വിജയിയാകാന് സാധിച്ചതില് താന് വളരെയേറെ സന്തോഷവാനാണെന്ന് അനസ് പറഞ്ഞു. സമ്മാനത്തുക കൊണ്ട് നാട്ടില് സ്വന്തമായി ബിസിനസ് തുടങ്ങാനാണ് അനസിന്റെ പദ്ധതി.