കോവിഡ് 19 ന്റെ പശ്ചാത്തലത്തില് നിര്ത്തിവെച്ച ഇന്ത്യയിലേക്കുള്ള വിമാന സര്വീസുകള് ഖത്തര് എയര്വെയ്സ് പുനരാരംഭിക്കുന്നു. വിമാന സര്വീസുകള് മേയ് 17 മുതല് ഭാഗികമായി പുനരാരംഭിക്കാന് ഇന്ത്യ തീരുമാനിച്ചതോടെയാണിത്. ഇന്ത്യയിലേക്ക് നിര്ത്തിവെച്ച സര്വീസുകള് മേയ് മാസത്തില് തന്നെ പുനരാംരംഭിക്കുമെന്ന് ഖത്തര് എയര്വെയ്സ് ട്വിറ്ററില് അറിയിച്ചു. സര്വീസുകള് മെയ് 26 മുതല് തുടങ്ങുമെന്നാണ് ലഭിക്കുന്ന വിവരം.
ജൂണ് അവസാനത്തോടെ അഹമദാബാദ്, അമൃത്സര്, ബംഗളൂരു, മുംബൈ, കൊല്ക്കത്ത, ഡല്ഹി, ഗോവ, ഹൈദരാബാദ്, ചെന്നൈ എന്നിവിടങ്ങളിലേക്കുള്ള സര്വീസുകളും നടത്തുമെന്ന് കമ്പനി നേരത്തേ അറിയിച്ചിരുന്നു. കേരളത്തിലെ കോഴിക്കോട്, കൊച്ചി, തിരുവനന്തപുരം എന്നിവടങ്ങളിലേക്കുള്ള സര്വീസുകളും ഇതില് ഉള്പ്പെടും. ആദ്യഘട്ടത്തില് 25 ശതമാനം ആഭ്യന്തര വിമാന സര്വീസുകളാണ് ഇന്ത്യ തുടങ്ങുന്നത്.
മേയ് അവസാനത്തോടെ തന്നെ ലോകത്തിലെ 52 നഗരങ്ങളിലേക്കുള്ള സര്വീസുകള് ആരംഭിക്കാനാണ് കമ്പനി പദ്ധതിയിടുന്നത്. കോവിഡ്19 വ്യാപിച്ചതിനെ തുടര്ന്ന് ഏര്പ്പെടുത്തിയിരുന്ന ആഗോളതലത്തിലെ പ്രവേശന നിയന്ത്രണങ്ങളിലെ ഇളവും യാത്രക്കാരുടെ ആവശ്യവും പരിഗണിച്ചാണിത്. നിലവില് ഭൂരിഭാഗം ഭൂഖണ്ഡങ്ങളിലേക്കുമായി 30 പ്രതിദിന സര്വീസുകള് പ്രവര്ത്തിപ്പിക്കുന്നുണ്ട്.