കോവിഡ് കേസുകളില് കഴിഞ്ഞ ആറ് ആഴ്ച്ചകള്ക്കുള്ളില് വന് വര്ധനയാണ് ഉണ്ടായതെന്ന് വെളിപ്പെടുത്തി ലോകാരോഗ്യസംഘടന. കൊവിഡ് മരണങ്ങളും വന്തോതില് ഉയരുന്നതായി ഡബ്ലിയുഎച്ച്ഒ ചൂണ്ടിക്കാണിക്കുന്നത്.
കഴിഞ്ഞ ആഴ്ച്ചയില് മാത്രം ആഗോളതലത്തില് 6.6ദശലക്ഷം പുതിയ കൊവിഡ് കേസുകളാണ് റിപ്പോര്ട്ട് ചെയ്തത്. 12,600 കൊവിഡ് മരണങ്ങളും റിപ്പോര്ട്ട് ചെയ്തു.കൊവിഡ് ബാധയെ തുടര്ന്ന് ആശുപത്രിയില് പ്രവേശിപ്പിക്കപ്പെടുന്നവരുടെ എണ്ണത്തില് കഴിഞ്ഞ ആഴ്ചകളില് വന്തോതില് വര്ധനവാണുണ്ടായത്.
മാസ്ക്ക് ധരിക്കാതേയും സാമൂഹിക അകലം പാലിക്കാത്തതേയും ആളുകള് ഒത്തുചേരുന്നതാണ് കൊവിഡ് കേസുകളിലുണ്ടായ വന് വര്ധനക്ക് കാരണമെന്നാണ് ഡബ്ലുഎച്ച്ഒ വിലയിരുത്തുന്നത്. വാക്സിന് എടുക്കാത്ത മേഖലകളില് നിന്നാണ് ഏറ്റവും കൂടുതല് മരണനിരക്ക് ഇപ്പോള് റിപ്പോര്ട്ട് ചെയ്യുന്നത്.