അഫ്ഗാനിസ്ഥാനിൽ അധികാരം പിടിച്ചെടുത്ത് രണ്ടാഴ്ചയ്ക്ക് ശേഷം, താലിബാൻ വെള്ളിയാഴ്ച രാജ്യത്ത് ഒരു പുതിയ സർക്കാർ രൂപീകരിക്കാൻ ഒരുങ്ങുകയാണ്. വെള്ളിയാഴ്ച പ്രാർത്ഥനയ്ക്ക് ശേഷം താലിബാൻ സർക്കാർ രൂപീകരിക്കുമെന്നാണ് റിപ്പോർട്ട്.
ആഗസ്റ്റ് 15 ന് കാബൂൾ പിടിച്ചെടുത്ത ശേഷം താലിബാൻ അഫ്ഗാനിസ്ഥാനെ നിയന്ത്രണത്തിലാക്കി. പതിറ്റാണ്ടുകളുടെ യുദ്ധത്തിന് ശേഷം അഫ്ഗാനിസ്ഥാനിൽ നിന്ന് പിൻവാങ്ങുകയാണെന്ന് യു.എസ് അറിയിച്ച ശേഷമാണ് ഇസ്ലാമിക തീവ്രവാദ സംഘടന തങ്ങളുടെ ആധിപത്യം അഫ്ഗാനിൽ സ്ഥാപിച്ചത്.
യു.എസ് സൈന്യം പിൻവാങ്ങുന്നതിനുമുമ്പ് തന്നെ രാജ്യത്തിന്റെ നിയന്ത്രണം പിടിച്ചെടുത്ത താലിബാൻ, സാമ്പത്തിക പ്രതിസന്ധി നേരിടുകയും അന്താരാഷ്ട്ര സഹായം വളരെയധികം ആശ്രയിക്കുകയും ചെയ്യുന്ന ഒരു രാജ്യത്തിന്റെ ഭരണമാണ് ഏറ്റെടുക്കുന്നത്.
മറ്റു രാജ്യങ്ങളുടെയും നിക്ഷേപകരുടെയും കണ്ണിൽ പുതിയ സർക്കാരിന്റെ നിയമസാധുത രാജ്യത്തിൻറെ സമ്പദ്വ്യവസ്ഥയ്ക്ക് നിർണായകമാകും, വരൾച്ചയോടും 240,000 അഫ്ഗാനികളുടെ ജീവൻ അപഹരിച്ച സംഘർഷങ്ങൾക്കും ശേഷം രാജ്യം നാശത്തിന്റെ വക്കിലാണ്.
യു.എസ് സൈന്യത്തിന്റെ അവസാന സംഘം തിങ്കളാഴ്ച അഫ്ഗാനിൽ നിന്നും പിൻവാങ്ങി. അഫ്ഗാനിൽ അവശേഷിക്കുന്ന ഏതെങ്കിലും വിദേശികൾക്കോ അഫ്ഗാനിസ്ഥാനുകൾക്കോ രാജ്യത്ത് നിന്ന് വിമാന മാർഗ്ഗം സുരക്ഷിതമായി കടന്നുപോകാൻ അനുവദിക്കുമെന്ന് താലിബാൻ വാഗ്ദാനം ചെയ്തിരുന്നു. എന്നാൽ കാബൂൾ വിമാനത്താവളം ഇപ്പോഴും അടച്ചിരിക്കുന്നതിനാൽ, പലരും അയൽരാജ്യങ്ങളിലേക്ക് കരമാർഗ്ഗം പലായനം ചെയ്യാൻ ശ്രമിക്കുകയാണ്.