ട്രംപ് ഭരണകൂടത്തെ ഭയപ്പെടുന്നില്ലെന്ന് ലിയോ പതിനാലാമന് മാര്പാപ്പ. ഇറാന് യുദ്ധവുമായി ബന്ധപ്പെട്ട് വത്തിക്കാന് ഉയര്ത്തുന്ന സമാധാന ആഹ്വാനങ്ങള് സുവിശേഷത്തില് അധിഷ്ഠിതമാണെന്നും അത് ഇനിയും തുടരുമെന്നും അമേരിക്കന് പ്രസിഡന്റ് ഡോണള്ഡ് ട്രംപിന്റെ വിമര്ശനങ്ങള്ക്ക് മറുപടിയായി മാര്പാപ്പ പറഞ്ഞു.
അമേരിക്ക-ഇസ്രയേല് സഖ്യം ഇറാനില് നടത്തുന്ന യുദ്ധത്തെ വത്തിക്കാന് എതിര്ത്തതിനെതിരെ ട്രംപ് രംഗത്തു വന്നിരുന്നു. എന്നാല് തന്റെ സന്ദേശത്തെ പ്രസിഡന്റ് തെറ്റായി വ്യാഖ്യാനിക്കുകയാണെന്ന് അദ്ദേഹം പറഞ്ഞു. താന് മുന്നോട്ട് വെക്കുന്ന സമാധാന സന്ദേശം സഭയുടെ ദൗത്യമാണെന്നും അതില് ഉറച്ചു നില്ക്കുമെന്നും അദ്ദേഹം പറഞ്ഞു.
മാര്പാപ്പ തീവ്ര ഇടതുപക്ഷത്തെ തൃപ്തിപ്പെടുത്താനാണ് ശ്രമിക്കുന്നത് എന്നും അത് നിർത്തണമെന്നും ട്രംപ് ആവശ്യപ്പെട്ടിരുന്നു. കുറ്റകൃത്യങ്ങള് സംബന്ധിച്ച് മാര്പാപ്പ സ്വീകരിക്കുന്ന നിലപാട് ദുര്ബലമാണ്. അദ്ദേഹത്തിന്റെ വിദേശനയങ്ങള് വളരെ മോശമാണെന്നും ട്രംപ് പരിഹസിച്ചു.