ഉത്തര കൊറിയയിൽ വേനൽക്കാലത്ത് ഉണ്ടായ വെള്ളപ്പൊക്കത്തിലും മണ്ണിടിച്ചിലുകളിലും 4,000 പേർ മരിച്ച സംഭവത്തിന്റെ പശ്ചാത്തലത്തിൽ സുരക്ഷാ വീഴ്ച ആരോപിച്ച് നടപടി. വെള്ളപ്പൊക്കവും മണ്ണിടിച്ചിലുകളും തടയുന്നതിൽ പരാജയപ്പെട്ടുവെന്നാരോപിച്ച് 30 ഉദ്യോഗസ്ഥരെ വധിക്കാൻ ഉത്തര കൊറിയൻ നേതാവ് കിം ജോങ് ഉൻ ഉത്തരവിട്ടു. ഉത്തര കൊറിയൻ ദേശീയ മാധ്യമങ്ങളാണ് ഇത് സംബന്ധിച്ച വാർത്തകൾ പുറത്ത്വിട്ടത്.
ഉത്തരകൊറിയയിലെ 20-നും 30-നും ഇടയിൽ നേതാക്കൾക്കെതിരെ അഴിമതി, കർത്തവ്യനിർവ്വഹണം എന്നീ കുറ്റങ്ങൾ ചുമത്തിയിട്ടുണ്ടെന്നും സംസ്ഥാനം അവരെ വധശിക്ഷയ്ക്ക് വിധിച്ചിട്ടുണ്ടെന്നും കിമ്മിൻ്റെ ഭരണത്തിൻ കീഴിലുള്ള ഒരു ഉദ്യോഗസ്ഥൻ പറഞ്ഞുവെന്ന് ടിവി ചോസുൻ റിപ്പോർട്ട് ചെയ്തു. “പ്രളയബാധിത പ്രദേശത്തെ 20 മുതൽ 30 വരെ കേഡറുകളെ കഴിഞ്ഞ മാസം അവസാനം ഒരേ സമയം വധിച്ചതായി സ്ഥിരീകരിച്ചിട്ടുണ്ടെന്നും ഉദ്യോഗസ്ഥർ പറഞ്ഞു.
ഉത്തരകൊറിയൻ ആഭ്യന്തരകാര്യങ്ങൾ അതീവരഹസ്യമായതിനാൽ വിശദാംശങ്ങൾ സ്ഥിരീകരിച്ച് ഔദ്യോഗിക അറിയിപ്പുകളൊന്നുമില്ല. എന്നാൽ, പ്രളയത്തിന് പിന്നാലെ സർക്കാർ ഉദ്യോഗസ്ഥരെ കർശനമായി ശിക്ഷിക്കാൻ കിം അധികാരികളോട് ആവശ്യപ്പെട്ടതായി ഉത്തരകൊറിയൻ സെൻട്രൽ ന്യൂസ് ഏജൻസി റിപ്പോർട്ട് ചെയ്തു.