യുഎഇയില് കൊവിഡ് ബാധിച്ച് മലയാളി യുവാവ് മരിച്ചു. കണ്ണൂർ കോളയാട് സ്വദേശിയായ ഹാരിസാണ്(35) മരിച്ചത്. പനിയും ന്യുമോണിയയും ബാധിച്ചാണ് ഹാരിസ് ചികിത്സ തേടിയത്. എന്നാല് കഴിഞ്ഞ ദിവസം ഹാരിസിന് കൊവിഡ് 19 ആണെന്ന് സ്ഥിരീകരിച്ചു. അജ്മാനിലെ സ്വകാര്യ ആശുപത്രിയിൽ വെച്ചായിരുന്നു മരണം.
അജ്മാനിലെ സ്വകാര്യ കമ്പനിയില് പിആര്ഒ ആയി ജോലി ചെയ്യുകയായിരുന്നു ഹാരിസ്. യുഎഇയില് കൊവിഡ് ബാധിച്ച് മരിക്കുന്ന രണ്ടാമത്തെ മലയാളിയാണ് ഇയാൾ. ഇതോടെ രാജ്യത്ത് മരിച്ചവരുടെ എണ്ണം പതിനൊന്നായി.
യുഎഇയില് ഇന്നലെ 294 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചു. ഇതോടെ, കൊവിഡ് ബാധിതരുടെ എണ്ണം 1700 കടന്നു. 1799 പേര്ക്കാണ് രോഗം സ്ഥിരീകരിച്ചത്. ഗള്ഫ് രാജ്യങ്ങളില് കൊവിഡ് ബാധിതരുടെ എണ്ണം ഏഴായിരം കടന്നു.