“ജോക്കർ” എന്ന ഹോളിവുഡ് സിനിമയിലെ പ്രധാന നടൻ ജോക്വിൻ ഫീനിക്സസിന്റെ കാർ വെസ്റ്റ് ഹോളിവുഡിൽ വച്ച് ലോസ് ഏഞ്ചൽസ് അഗ്നിശമന വകുപ്പ് വാഹനത്തിൽ ഇടിച്ചതായി റിപ്പോർട്ട്.
ചൊവ്വാഴ്ച ഉച്ചതിരിഞ്ഞ് ഫീനിക്സ് വളരെ ഇടുങ്ങിയ വഴിത്തിരിവിൽ വണ്ടി തിരിച്ചപ്പോഴാണ് അപകടം ഉണ്ടായതെന്ന് ടിഎംസെഡ് റിപ്പോർട്ട് ചെയ്തു.
ഫീനിക്സ് ഉടൻ തന്നെ അപകടം അധികൃതരുടെ ശ്രദ്ധയിൽ പെടുത്തുകയും എന്താണ് സംഭവിച്ചതെന്ന് അവരോട് വിശദീകരിക്കുകയും ചെയ്തു.
പൊലീസ് ഇരു വാഹനങ്ങളുടെയും കേടുപാടുകൾ റിപ്പോർട്ട് ചെയ്തു. ഇരുക്കൂട്ടരും ഇൻഷുറൻസ് വിവരങ്ങൾ കൈമാറുകയും അവരവരുടെ ജോലികളിലേക്ക് മടങ്ങുകയും ചെയ്തു. ടിഎംസെഡ് റിപ്പോർട്ട് ചെയ്തതനുസരിച്ച്, ഫീനിക്സിന്റെ കാറിന്റെ വലത് ഫ്രണ്ട് ക്വാർട്ടർ പാനലിന് കേടുപാടുകൾ സംഭവിച്ചു, അതേസമയം എമർജൻസി വാഹനത്തിന് ബമ്പറിൽ ചെറിയ പോറലുകൾ മാത്രമേ ഉണ്ടായിരുന്നുള്ളൂ. ഫീനിക്സിനെതിരെ പിഴ ചുമത്തിയിട്ടില്ല.