വെടിനിർത്തലിന്റെ ആദ്യ ഘട്ടം അവസാനിച്ചതിനെത്തുടർന്ന് ഗാസയിലേക്കുള്ള സഹായ വിതരണം ഇസ്രായേൽ സർക്കാർ തടഞ്ഞതിൽ യുകെ സർക്കാർ ആശങ്ക പ്രകടിപ്പിച്ചു. “ഗാസയിലേക്കുള്ള എല്ലാ സഹായങ്ങളും നിർത്തലാക്കുമെന്ന് ഇസ്രായേൽ പ്രഖ്യാപിച്ചതായുള്ള റിപ്പോർട്ടുകളിൽ ഞങ്ങൾക്ക് വളരെയധികം ആശങ്കയുണ്ട്.” ഞായറാഴ്ച വൈകുന്നേരം മിഡിൽ ഈസ്റ്റ് ഐയോട് പ്രതികരിച്ചുകൊണ്ട് വിദേശകാര്യ ഓഫീസ് വക്താവ് പറഞ്ഞു.
“കരാറിന്റെ പൂർണമായ നടത്തിപ്പും ശത്രുതയ്ക്ക് ശാശ്വതമായ അന്ത്യവും ഉറപ്പാക്കാൻ സഹായിക്കുന്നതിന്, കരാറിന്റെ തുടർന്നുള്ള ഘട്ടങ്ങളെക്കുറിച്ച് ക്രിയാത്മകമായി ചർച്ച ചെയ്യാൻ ഞങ്ങൾ എല്ലാ കക്ഷികളോടും അഭ്യർത്ഥിക്കുന്നു.” ഗാസയിലേക്കുള്ള എല്ലാ സാധനങ്ങളുടെയും പ്രവേശനം ഇസ്രായേൽ തടഞ്ഞതായി സ്ഥിരീകരിച്ചുകൊണ്ട് പ്രധാനമന്ത്രി ബെഞ്ചമിൻ നെതന്യാഹുവിന്റെ ഓഫീസ് ഞായറാഴ്ച രാവിലെ ഒരു പ്രസ്താവന പുറത്തിറക്കി.
വെടിനിർത്തൽ കരാറിന്റെ ആദ്യ ഘട്ടത്തിന്റെ നീട്ടൽ ഹമാസ് അംഗീകരിക്കാൻ വിസമ്മതിച്ചതിനെ തുടർന്നാണ്. മുസ്ലീങ്ങളുടെ പുണ്യമാസമായ റമദാനിനോട് അനുബന്ധിച്ചുള്ള ഈ നീക്കം. എന്നാൽ ഗാസയിലേക്കുള്ള സഹായം തടയാനുള്ള ഇസ്രായേലിന്റെ നീക്കത്തെക്കുറിച്ച് പ്രധാനമന്ത്രി സ്റ്റാർമർ ഇതുവരെ പരസ്യമായി പ്രതികരിച്ചിട്ടില്ല.