2022ലെ ആദ്യ പൂര്ണ ചന്ദ്രഗ്രഹണം ഇന്ന് ദൃശ്യമാകും. ഈ സമയത്ത് ചന്ദ്രന് ചുവന്ന നിറമായിരിക്കും. നാസ പറയുന്നത് പ്രകാരം യുഎസിലെ പകുതി ഭാഗങ്ങളില് നിന്നും സൗത്ത് അമേരിക്കയില് നിന്നും ബ്ലഡ് മൂണ് കാണാന് സാധിക്കും. ഇതിന് പുറമെ ആഫ്രിക്ക, പശ്ചിമ യൂറോപ്പ്, നോര്ത്ത് അമേരിക്ക എന്നീ രാജ്യങ്ങളില് നിന്നും ബ്ലഡ് മൂണ് വ്യക്തമായി കാണാം.
ഇന്ത്യയില് നിന്ന് ഈ പ്രതിഭാസം കാണാന് സാധിക്കില്ല. ഈസ്റ്റേണ് സ്റ്റാന്ഡേര്ഡ് ടൈം 10.27നാണ് ബ്ലഡ് മൂണ് സംഭവിക്കുന്നത്. ഇന്ത്യന് സമയം പ്രകാരം ഇത് നാളെ (മെയ് 16) രാവിലെ 8 മണിക്കും 8.30നും ഇടയിലായിരിക്കും ഇത് സംഭവിക്കുക.
പൂര്ണ ചന്ദ്രഗ്രഹണം സംഭവിക്കുന്നതിന് മുന്പായി ചന്ദ്രന് ചുവന്ന് തുടുക്കുന്നതാണ് ബ്ലഡ് മൂണ്. പൂര്ണ ചന്ദ്രഗ്രഹണത്തിന്റെ സമയത്താണ് ബ്ലഡ് മൂണ് തെളിയുന്നത്. സൂര്യന്റെ ചുവന്ന രശ്മി പ്രതിഫലിക്കുന്നതിനാലാണ് ചന്ദ്രന് ഈ നിറം വരുന്നത്.
ബ്ലഡ് മൂണ് കാണാന് സാധിക്കാത്തവര്ക്ക് നാസ തത്സമയ സംപ്രേഷണം നടത്തും.