ഈജിപ്തിന്റെ തലസ്ഥാനം കെയ്റോയിലെ കോപ്റ്റിക് ക്രിസ്ത്യന് പള്ളിയിലുണ്ടായ തീപിടുത്തത്തില് 41 പേര് വെന്തുമരിച്ചു. 55 പേര്ക്ക് പരിക്കേറ്റു. കെയ്റോയിലെ വടക്കുപടിഞ്ഞാറന് ജില്ലയായ ഇംബാബയിലെ അബു സിഫിന് പള്ളിയിലാണ് തീപിടുത്തമുണ്ടായത്. അപകടത്തിന്റെ കാരണം വ്യക്തമല്ല. തീ നിയന്ത്രണവിധേയമാക്കിയതായി അഗ്നിശമന സേന അറിയിച്ചു.
മിഡില് ഈസ്റ്റിലെ ഏറ്റവും വലിയ ക്രിസ്ത്യന് സമൂഹമാണ് കോപ്റ്റുകള്. ഈജിപ്തിലെ 103 ദശലക്ഷം ജനങ്ങളില് 10 ദശലക്ഷം പേരെങ്കിലും ഈ വിഭാഗത്തില് പെടുന്നു. സംഭവത്തില് ഈജിപ്ഷ്യന് പ്രസിഡന്റ് അബ്ദുല് ഫത്താഹ് അല്-സിസി അനുശോചനം രേഖപ്പെടുത്തി.
ദാരുണമായ സംഭവം നിരീക്ഷിച്ചുവരികയാണെന്നും ആവശ്യമായ നടപടി ഉറപ്പാക്കാന് ബന്ധപ്പെട്ട സംസ്ഥാന ഏജന്സികള്ക്ക് നിര്ദ്ദേശം നല്കിയിട്ടുണ്ടെന്നും അദ്ദേഹം പറഞ്ഞു. 2021 മാര്ച്ചില് കെയ്റോയുടെ കിഴക്കന് പ്രാന്തപ്രദേശത്തുള്ള ടെക്സ്റ്റൈല് ഫാക്ടറിയിലുണ്ടായ തീപിടുത്തത്തില് 20 പേര് മരിച്ചിരുന്നു. 2020 ല് രണ്ട് ആശുപത്രികളിലായി ഉണ്ടായ തീപിടുത്തത്തില് 14 കോവിഡ് -19 രോഗികളും മരിച്ചിരുന്നു.