അഡിസ് അബാബയില്നിന്ന് കെനിയ തലസ്ഥാനമായ നെയ്റോബിയിലേക്ക് പോയ എത്യോപ്യന് എയര്ലൈന്സിന്റെ വിമാനം തകര്ന്നു. 149 യാത്രക്കാരും എട്ട് ജീവനക്കാരുമായി പോയ ബോയിങ് 737 വിമാനം ഇന്ന് രാവിലെയാണ് തകര്ന്നത്. പ്രാദേശിക സമയം 8.44നാണ് അപകടമുണ്ടായതെന്ന് വിമാനക്കമ്പനിയുടെ വക്താവ് മാധ്യമങ്ങളോട് പറഞ്ഞു.
അഡിസ് അബാബയിലെ ബോലെ വിമാനത്താവളത്തില് നിന്ന് പ്രാദേശിക സമയം രാവിലെ 8.38നാണ് വിമാനം പറന്നുയര്ന്നത്. 8.44 കഴിഞ്ഞതോടെ വിമാനവുമായുള്ള ബന്ധം നഷ്ടപ്പെട്ടു. അഡിസ് അബാബയില്നിന്ന് 62 കിലോമീറ്റര് അകലെയുള്ള ബിഷോഫ്ടു നഗരത്തിനു സമീപമാണ് അപകടമുണ്ടായത്. എത്ര പേര് മരിച്ചു, എത്ര പേര്ക്ക് പരിക്കേറ്റു എന്നതിനെ സംബന്ധിച്ച വിവിരങ്ങളൊന്നും പുറത്തുവന്നിട്ടില്ല
അപകടത്തില് എത്യോപന് പ്രധാനമന്ത്രി അഗാധമായ ദുഃഖം രേഖപ്പെടുത്തി. രക്ഷാപ്രവര്ത്തനം പുരോഗമിക്കുകയാണെന്ന് അധികൃതര് വ്യക്തമാക്കി.