സ്വന്തം വിമാനം പറത്തവെ പതിനഞ്ചുകാരിയുമൊത്ത് ലൈംഗിക ബന്ധത്തിലേര്പ്പെട്ടതിന് അമേരിക്കന് വ്യവസായിക്ക് അഞ്ച് വര്ഷം തടവ്. ന്യൂജെഴ്സി സ്വദേശിയായ സ്റ്റീഫന് ബ്രാഡ്ലി മെല്ലിനാണ് അസാധാരണ കുററത്തിന് കോടതി ശിക്ഷ നല്കിയത്.
അന്തര്സംസ്ഥാന യാത്രയ്ക്കിടെ നിയമവിരുദ്ധമായി ലൈംഗിക ബന്ധത്തിലേര്പ്പെട്ടതിനും കുട്ടികളുടെ അശ്ലീല ചിത്രങ്ങള് സ്വീകരിച്ചതിനുമാണ് ശിക്ഷ. 53 കാരനായ മെല് മൂന്ന് കുട്ടികളുടെ അച്ഛനാണ്. ബ്രോക്കറേജ് ബിസിനസ് നടത്തുന്ന ഇയാള്ക്കെതിരെ കുട്ടിയുടെ അമ്മയാണ് പരാതി നല്കിയത്. ഡിപ്രഷനുള്ള മരുന്ന് കഴിക്കുന്ന എളിമയുള്ള മനുഷ്യനാണ് തങ്ങളുടെ കക്ഷിയെന്ന് മെല്ലിന്റെ അഭിഭാഷകര് വാദിച്ചെങ്കിലും ഫലമുണ്ടായില്ല.
നേരത്തെയും ഇയാള്ക്കെതിരെ സമാനകുറ്റം ചുമത്തപ്പെട്ടിട്ടുണ്ട്.അമേരിക്കയില് വ്യത്യസ്ത സംസ്ഥാനങ്ങളില് ചികിത്സ വേണ്ട കുട്ടികളെ വിമാനത്തില് പറത്തി യാത്രസൗകര്യമൊരുക്കുന്ന “എയര് ലൈഫ് ലൈന് “എന്ന പേരില് ചാരിറ്റി പ്രവര്ത്തനവും മെല് നടത്തുന്നുണ്ട്.