ഒരിക്കലും തിരിച്ചു കിട്ടില്ലെന്നു കരുതിയ ആ സൗഭാഗ്യം വീണ്ടും അനുഭവിച്ചപ്പോള് സന്തോഷത്താല് മതിമറന്നു പോയി ആ ബാലന്. അഫ്ഗാനിസ്ഥാനിലെ അഹമ്മദ് എന്ന ബാലനാണ് നഷ്ടമായ കാലിനു പകരം കൃത്രിമക്കാല് കിട്ടിയപ്പോള് ആഹ്ലാദനൃത്തം ചവിട്ടിയത്. കൃത്രിമക്കാല് വെച്ച ശേഷം ആശുപത്രിയില് സന്തോഷത്താല് ചുവടു വെയ്ക്കുന്ന ഈ അഫ്ഗാന് ബാലന്റെ വീഡിയോ സമൂഹമാധ്യമങ്ങളില് വൈറലാണ്.
ലോഗാര് പ്രവിശ്യയിലുണ്ടായ കുഴിബോംബ് സ്ഫോടനത്തിലാണ് അഹമ്മദിന് വലതുകാല് നഷ്ടപ്പെട്ടത്. അഫ്ഗാനിസ്ഥാനിലെ ഒരു റെഡ്ക്രോസ് ഓര്ത്തോപീഡിക് സെന്ററില് നിന്നാണ് അഹമ്മദിന് കൃത്രിമക്കാല് ഘടിപ്പിച്ചു നല്കിയത്.