ബീച്ച് സന്ദർശനത്തിന് വേണ്ടി ഭാര്യയുടെ സ്വകാര്യത മാനിക്കാൻ 400 കോടി മുടക്കി ദ്വീപ് സ്വന്തമായി വിലയ്ക്ക് മേടിച്ച് ഭർത്താവ്. സമ്പന്നനായ ഭർത്താവ് തനിക്ക് വേണ്ടി നൽകിയ സമ്മാന വിവരം സോഷ്യൽ മീഡിയ വഴി അറിയിച്ചിരിക്കുകയാണ് 26 കാരിയായ സൂദി അല് നാദക്. വാങ്ങിയ ദ്വീപിന്റെ വിഡിയോയും ഇൻസ്റ്റാഗ്രാമിൽ പങ്ക് വെച്ചിട്ടുണ്ട്.
“നിങ്ങൾ ബിക്കിനി ധരിക്കാൻ ആഗ്രഹിച്ചു, നിങ്ങളുടെ ലക്ഷപ്രഭുവായ ഭര്ത്താവ് നിങ്ങള്ക്കൊരു ദ്വീപ് വാങ്ങിത്തന്നു” എന്നാണ് വീഡിയോയ്ക്ക് നൽകിയിരിക്കുന്ന ക്യാപ്ഷൻ.
മൂന്ന്കൊല്ലം മുൻപാണ് ഇരുവരും വിവാഹിതരായത്. ഇംഗ്ലണ്ടിലെ സോഷ്യൽ മീഡിയ ഇൻഫ്ലുൻസർ ആയിരുന്നു സൂദി. ദുബായ് ബിസിനെസ്സുകാരനാണ് ഭർത്താവായ ജമാല് അല് നാദക്ക്. ദുബായിലെ വിദ്യാഭ്യാസ കാലത്താണ് ഇരുവരും കണ്ടുമുട്ടിയതും പിന്നീട് പ്രണയത്തിലായതും.
View this post on Instagram
സൂദി പങ്ക് വെച്ച വീഡിയോ ആണ് ഇപ്പോൾ സമൂഹ മാധ്യമങ്ങളിൽ വൈറൽ ആയിരിക്കുന്നത്. ഇതിനോടകം രണ്ടര മില്യൺ വ്യൂസ് ആണ് നേടിയിരിക്കുന്നത്. ഏത് ദ്വീപ് ആണ് വിലയ്ക്ക് വാങ്ങിയത് എന്നതിനെ കുറിച്ചുള്ള വിവരങ്ങൾ ഇത് വരെ വ്യക്തമായിട്ടില്ല. ഏഷ്യയിൽ ഉള്ള ദ്വീപ് ആണെന്നും ഏകദേശം 400 കോടി വിലയുള്ളതാണെന്നുമാണ് സൂദിയുടെ പോസ്റ്റിൽ സൂചിപ്പിച്ചിരിക്കുന്നത്.