ഭരണകൂട വിലക്കുകളെ മറിക്കടക്കുന്ന സിനിമ; 'ടാറ്റാമി'ക്ക് പറയാനുള്ളത് ചരിത്രം

സിനിമ എപ്പോഴും യൂണിവേഴ്സലാണ്, അതിന് അതിർത്തികളില്ല. ഭാഷകളുടെ അതിർത്തികളെ പോലും അത് വികാരങ്ങൾ കൊണ്ട് മായിച്ചു കളയുന്നു.ഇറാൻ എന്നത്ലോക സിനിമാ ചരിത്രത്തിൽ ഏറ്റവും മികച്ച സിനിമകൾ പിറവിയെടുത്ത നാടാണ്. അതുപോല തന്നെയാണ് ഇസ്രായേലും. ശക്തമായ ഭരണകൂട വിലക്കുകളെ മറികടന്ന് അവർ മികച്ച സിനിമകൾ ലോകത്തിന് മുന്നിലേക്ക് കൊണ്ടുവരുന്നു. 

അത്തരത്തിലുള്ള പല വിലക്കുകളെയും മറികടന്ന് ഇപ്പോൾ അവർ വീണ്ടുമൊരു ചരിത്രം രചിച്ചിരിക്കുന്നു. ചരിത്രത്തിലാദ്യമായി ഇസ്രായേൽ-ഇറാൻ സംവിധായകർ ഒരുമിച്ച് ഒരു സിനിമ ചിത്രീകരിച്ചിരിക്കുന്നു.  ഇറാനിൽ നിന്നുള്ള സാർ അമീർ ഇബ്രാഹിമിയും ഇസ്രായേലിൽ നിന്നുള്ള ഗൈ നാറ്റിവുമാണ് ആ രണ്ട് സംവിധായകർ. സിനിമ ‘ടാറ്റാമി’. 

ഇസ്രായേൽ-ഇറാൻ ജൂഡോ മത്സരവുമായി ബന്ധപ്പെട്ട് ഇറാൻ ഭരണകൂടം സ്വീകരിച്ച നിലപാടും, അതിനെതിരെ രാജ്യാന്തര ജൂഡോ ഫെഡെറേഷനുമായി ബന്ധപ്പെട്ട നാല് വർഷത്തെ വിലക്കുമാണ് സിനിമയ്ക്ക് പ്രചോദനമായത്. ചിത്രം കഴിഞ്ഞയാഴ്ച വെനീസ് ഇന്റർനാഷണൽ ഫിലിം ഫെസ്റ്റിവലിൽ വേൾഡ് പ്രീമിയർ വിഭാഗത്തിൽ പ്രദർശിപ്പിച്ചിരുന്നു. ലോക ജൂഡോ ചാംപ്യൻഷിപ്പിനെ അടിസ്ഥാനപ്പെടുത്തിയാണ് സിനിമയെടുത്തിരിക്കുന്നത്. ഭരണാധികാരികളുടെ  ഇടപെടലുകൾ ഇല്ലാതിരിക്കാൻ വേണ്ടി ഇറാന്റെ അയൽരാജ്യമായ  ജോർജിയയിലായിരുന്നു ചിത്രത്തിന്റെ ഷൂട്ടിങ്ങ് നടത്തിയിരുന്നത്, കൂടാതെ അമീർ ഇബ്രാഹിമിയും നാറ്റിവും  രണ്ട് വ്യത്യസ്ത ഹോട്ടലുകളിലായിരുന്നു താമസിച്ചിരുന്നതും. 

“അവിടെ ധാരളം ഇറാനികൾ ഉണ്ടായിരുന്നെന്ന് എനിക്ക് അറിയാമായിരുന്നു, അതുകൊണ്ട് തന്നെ വളരെ രഹസ്യമായാണ് കാര്യങ്ങളൊക്കെ ചെയ്തിരുന്നത്.” അമീർ ഇബ്രാഹിമി പറഞ്ഞു. ചിത്രത്തിൽ ജൂഡോ പരിശീലകയായി അമീർ ഇബ്രാഹിമി തന്നെ വേഷമിട്ടിട്ടുണ്ട്. 

സാർ അമീർ ഇബ്രാഹിമി ഇറാനിലെ പ്രശസ്തമായ അഭിനേത്രി കൂടിയാണ്, 2008 ൽ തന്റെ സ്വകാര്യ രംഗങ്ങൾ ചോർന്നതിനെ തുടർന്ന് ഭരണകൂടത്തിന്റെ തടവും ചാട്ടവാറടിയും ഭയന്ന് അവർക്ക് ഇറാനിൽ നിന്ന് പലായനം ചെയ്യേണ്ടിവന്നിരുന്നു. ‘ഹോളി സ്പൈഡർ’ എന്ന സിനിമയിലെ പ്രകടനത്തിന് കഴിഞ്ഞ വർഷം കാൻ ഫിലിം ഫെസ്റ്റിവലിൽ മികച്ച നടിയായി അമീർ ഇബ്രാഹിമി തെരെഞ്ഞെടുക്കപ്പെട്ടിരുന്നു.  

Latest Stories

ആർഎസ്എസിന്റെ വിദ്യാഭ്യാസ സമ്മേളനത്തിലേക്ക് കേരളത്തിലെ വിസിമാർക്ക് ക്ഷണം; ഗവർണർ രാജേന്ദ്ര ആർലേക്കറും പങ്കെടുക്കും

ഇടുക്കിയിൽ വൻ മരംകൊള്ള; ഏലമലക്കാട്ടിൽ നിന്നും വിവിധ ഇനത്തിലെ 150 ലധികം മരങ്ങൾ മുറിച്ചുകടത്തി

IND VS ENG: ആദ്യം അവന്മാരെ ചവിട്ടി പുറത്താക്കണം, എന്നിട്ട് ആ താരങ്ങളെ കൊണ്ട് വരണം: ദിലീപ് വെങ്‌സാര്‍ക്കര്‍

ആ ലോകകപ്പിൽ യുവരാജിനെ ഒഴിവാക്കാൻ എന്നോട് ആവശ്യപ്പെട്ടു, എന്നാൽ ധോണി.....: ഗാരി കേസ്റ്റണ്‍

IND VS ENG: ആ താരം പുറത്തായതോടെ കളി തോൽക്കും എന്ന് എനിക്ക് ഉറപ്പായി: അജിൻക്യ രഹാനെ

സ്ത്രീധനം കൊടുക്കുന്നത് കുറ്റമല്ലാതാക്കും, നിർണായക നിയമ ഭേദഗതിക്കൊരുങ്ങി കേരളം സർക്കാർ; വാങ്ങുന്നത് മാത്രം കുറ്റം

IND VS ENG: 'ജഡേജ കാണിച്ചത് ശുദ്ധ മണ്ടത്തരം, ആ ഒരു കാര്യം ചെയ്തിരുന്നെങ്കിൽ വിജയിച്ചേനെ'; വിമർശനവുമായി മുൻ ഇന്ത്യൻ ഇതിഹാസം

വടക്കൻ കേരളത്തിൽ ഇന്ന് അതിതീവ്ര മഴ; അഞ്ച് ജില്ലകളിൽ റെഡ് അലർട്ട്, വിദ്യാഭ്യാസ സ്ഥാപനങ്ങൾക്ക് അവധി

കനത്ത മഴ; റെഡ് അലര്‍ട്ട്, മൂന്ന് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി

എസ്ഇജിജി (SEGG) മീഡിയ ഗ്രൂപ്പിന്റെ സ്പോർട്സ്.കോം സൂപ്പർ ലീഗ് കേരളയുമായി കരാർ ഒപ്പുവച്ചു; ഏഷ്യയിൽ നിന്നും സ്പോർട്സ്.കോം-ന്റെ ആദ്യ ഫുട്ബോൾ തത്സമയം സൂപ്പർ ലീഗ് കേരളയിലൂടെ