കോവിഡ് നിയന്ത്രണങ്ങൾ ലംഘിക്കുന്നവർക്ക് കംബോഡിയയിൽ നടപ്പിലാക്കിയിരിക്കുന്ന വിചിത്രമായ ശിക്ഷയാണ് ഒരു കാൽ മരപ്പൂട്ടിൽ തളച്ചിടുന്നത്. സമൂഹ മാധ്യമങ്ങളിൽ ഒരു ചിത്രം തായ്ലൻഡിൽ നിന്ന് എന്ന പേരിൽ പ്രചരിച്ചിരുന്നു. ചിലർ ഇത് നേപ്പാൾ ആണെന്നും പോസ്റ്റ് ചെയ്തു. എന്നാൽ റിവേഴ്സ് ഇമേജ് സെർച്ചിൽ ഇത് കംബോഡിയ ആണെന്ന് കണ്ടെത്തി.
ഒന്നരക്കോടി ജനസംഖ്യയുള്ള കംബോഡിയക്ക് കേരളത്തിന്റെ നാലര ഇരട്ടി വലിപ്പമാണുള്ളത്. ഇതുവരെ കോവിഡ് ബാധിച്ചു മരിച്ചവർ 183. ചികിത്സയിലുള്ളത് ഇരുപത്തി ആറായിരത്തോളം. രോഗം ഭേദമായവർ ഇരുപതിനായിരത്തോളം വരും.
രാജവാഴ്ച നിലനിൽക്കുന്ന കംബോഡിയ നൂറ്റാണ്ടുകളായി ഭരിക്കുന്നത് നൊറോദോം രാജവംശമാണ്. നൊറോദോം സിഹമോനി ആണ് ഇപ്പോഴത്തെ രാജാവ്.