ഓണ്ലൈന് ഭക്ഷണ വിതരണ സ്റ്റാര്ട്ടപ്പായ സൊമാറ്റോ യൂബര് ടെക്നോളജിയുടെ യൂബര് ഈറ്റ്സ് ഇന്ത്യയെ സ്വന്തമാക്കി. യൂബര് ടെക്നോളജിയുടെ ഇന്ത്യയിലെ ഭക്ഷണ വിതരണ ശൃംഖല പൂര്ണമായും വാങ്ങിയതായി സൊമാറ്റോ അറിയിച്ചു. സൊമാറ്റോയില് യൂബറിന് 10 ശതമാനം ഓഹരി നല്കാനും തീരുമാനിച്ചിട്ടുണ്ട്.
ഇന്ത്യയിലെ യൂബര് ഈറ്റ്സിന്റെ എല്ലാ പ്രവര്ത്തനങ്ങളും ഇനി സൊമാറ്റോയുടെ പ്ലാറ്റ്ഫോം വഴിയായിരിക്കും. യൂബര് ഈറ്റ്സിന്റെ ആപ്പും ഇതിനോടകം സൊമാറ്റോയിലേക്ക് മാറി.