ലോകത്തിലെ ഏറ്റവും ഉയരം കൂടിയ റെയില്വേ പാലം ചെനാബ് പാലത്തിന്റെ ഉദ്ഘാടനം ഇന്ന്. പ്രധാനമന്ത്രി നരേന്ദ്രമോദി പാലം രാജ്യത്തിന് സമര്പ്പിക്കും. പഹല്ഗാം ഭീകരാക്രമണത്തിന് ശേഷം പ്രധാനമന്ത്രി നരേന്ദ്രമോദിയുടെ ആദ്യ ജമ്മു കശ്മീര് സന്ദര്ശനമാണിത്. പാലത്തോടൊപ്പം കത്ര-ശ്രീനഗർ വന്ദേ ഭാരത് ട്രെയിൻ സർവീസും പ്രധാനമന്ത്രി ഉദ്ഘാടനം ചെയ്യും
ഈഫല് ടവറിനേക്കാള് ഉയരം കൂടുതലുണ്ട് ചെനാബ് ആര്ച്ച് ബ്രിഡ്ജിന്. കശ്മീര് താഴ്വരയെ രാജ്യത്തിന്റെ മറ്റുഭാഗങ്ങളുമായി ബന്ധിപ്പിക്കുന്ന പാലം ജമ്മുകശ്മീരിലെ റിയാസി ജില്ലയില് ബക്കലിനും കൗരിക്കും ഇടയില് ചെനാബ് നദിക്ക് കുറുകെയാണ്. 1400 കോടി രൂപ ചെലവിട്ടാണ് നിര്മാണം പൂര്ത്തിയാക്കിയത്. 272 കിലോമീറ്റര് നീളമുള്ള ഉദ്ദംപൂര് കാത്ര ഖാസിഗുണ്ട് വഴി ജമ്മുവിനെ ബാരാമുള്ളയും ശ്രീനഗറുമായി ബന്ധിപ്പിക്കുന്ന പാലം കശ്മീര് റെയില് പദ്ധതിയുടെ ഭാഗമാണ്.
കത്രയ്ക്കും ബനിഹാലിനും ഇടയിലെ 111 കിലോമീറ്ററിനെ ബന്ധിപ്പിക്കുന്ന പ്രധാന കണ്ണി. ശ്രീനഗര് – ജമ്മു റൂട്ടിലൂടെയുള്ള സഞ്ചാരസമയം ഏഴ് മണിക്കൂറായി കുറയും. ലോകത്തിലെ ഏറ്റവും ഉയരത്തിലുള്ള റെയില്വേ പാലമാണ് ചെനാബ് പാലം. കമാനത്തിന് 467 മീറ്റര് നീളം, നദിയില് നിന്ന് 359 മീറ്റര് ഉയരത്തിലാണ് പാലം സ്ഥിതി ചെയ്യുന്നത്. നദിയില് നിന്നുള്ള ഉയരം പരിഗണിച്ചാല് പാരിസിലെ ഈഫല് ടവറിനേക്കാള് 35 മീറ്റര് ഉയരമുണ്ട്. ആകെ നീളം 1,315 മീറ്റര്. പാലത്തിന് 120 വര്ഷത്തെ ആയുസ്സാണ് പറഞ്ഞിട്ടുള്ളത്. തീവണ്ടികള് 110 കിലോമീറ്റര് വേഗത്തില് ഓടിക്കാൻ കഴിയും. കൊങ്കണ് റെയില്വേ കോര്പ്പറേഷന് ലിമിറ്റഡാണ് പാലത്തിന്റെ നിര്വഹണ ഏജന്സി.