പ്രമുഖരുടെ സ്റ്റൈലിഷ് ഗെറ്റപ്പുകളും ലുക്കുകളും ഒക്കെ വളരെ പെട്ടെന്നാണ് സോഷ്യൽ മീഡിയയിൽ വൈറലാവുന്നത്. സാധാരണ ക്രിക്കറ്റ് താരങ്ങളുടെയോ സിനിമാ താരങ്ങളുടെയോ ഒക്കെ വിശേഷങ്ങളാണ് ഇങ്ങനെ വൈറലാവാറുള്ളത്. എന്നാൽ ഇത്തവണ സോഷ്യൽ മീഡിയയിലെ ചർച്ചാവിഷയം വിദേശകാര്യമന്ത്രി എസ് ജയശങ്കറാണ്. അദ്ദേഹം ട്വിറ്ററിൽ പങ്കുവെച്ച ഒരു ഫോട്ടോയാണ് സാമൂഹ മാധ്യമങ്ങളിൽ വൈറലായത്
കണ്ണടയും സ്യൂട്ടും ധരിച്ചുള്ള ജയശങ്കറിന്റെ ഫോട്ടോ കണ്ട് ജെയിംസ് ബോണ്ട് ലുക്ക് എന്നാണ് സോഷ്യൽ മീഡിയയിലെ പ്രതികരണം. ചിത്രത്തിന് ലൈക്കും കമന്റുകളുമായി നിരവധി പേരാണ് എത്തിയത്. സ്വീഡൻ പ്രതിരോധമന്ത്രി പാൽ ജോൺസണുമായുള്ള കൂടിക്കാഴ്ചക്ക് ശേഷമുള്ള ചിത്രമാണ് അദ്ദേഹം ട്വിറ്ററിൽ പോസ്റ്റ് ചെയ്ത രസകരമായ കമന്റുകളുമായി നിരവധി ആളുകളാണ് കമന്റ് ബോക്സിൽ എത്തിയത്.
ഇത് യഥാർത്ഥ 007 ലുക്കാണെന്നും ജയിംസ് ബോണ്ട് തോറ്റ് പോകുമെന്നുമാണ് ഒരു കമന്റ്. ടോം ക്രൂസിനും ബ്രാഡ് പിറ്റിനും വെല്ലുവിളിയാവുമെന്നാണ് മറ്റൊരാൾ കമന്റ് ചെയ്തത്. മെൻ ഇൻ ബ്ലാക്ക്,കൊലമാസ് ലുക്ക് എന്നിങ്ങനെയാണ് ചിത്രത്തിന് താഴെയുള്ള മറ്റ് കമന്റുകൾ. എന്തായാലും മന്ത്രിയുടെ ചിത്രത്തിന് താഴെ കമന്റുമായി നിരവധി പേരാണ് എത്തുന്നത്