ഉത്തരാഖണ്ഡ് മാതൃകയിൽ രാജ്യവ്യാപകമായി ഏകീകൃത സിവിൽ കോഡ് നടപ്പിലാക്കണമെന്ന് ആർഎസ്എസ് മേധാവി മോഹൻ ഭഗവത്. ആർഎസ്എസിൻ്റെ നൂറാം വാർഷികത്തോടനുബന്ധിച്ച് നടന്ന മുൻ സൈനികരുടെ സംവാദ സെമിനാറിൽ സംസാരിക്കുകയായിരുന്നു അദ്ദേഹം.
‘യുസിസി നടപ്പിലാക്കുന്നത് വളരെ നല്ല കാര്യമായിരിക്കും. രാജ്യമെമ്പാടും നടപ്പിലാക്കുന്നതാണ് നല്ലത്. പക്ഷെ ഇത് ഉത്താഖണ്ഡിൽ നടപ്പിലാക്കിയത് പോലെ നടപ്പിലാക്കണം’ എന്ന് മോഹൻ ഭഗവത് പറഞ്ഞു.
യുസിസി നടപ്പിലാക്കിയ രാജ്യത്തെ ആദ്യത്തെ സംസ്ഥാനമാണ് ഉത്തരാഖണ്ഡ്. കഴിഞ്ഞ വർഷം ജനുവരി 27നാണ് ഉത്തരാഖണ്ഡിൽ യുസിസി നടപ്പിലാക്കുന്നത്. സമൂഹത്തെ ഏകീകരിക്കുന്നതിന് യുസിസി അത്യാവശ്യമാണെന്ന് ആർഎസ്എസ് മേധാവി പറഞ്ഞു.
ഉത്തരാഖണ്ഡിൽ ഒരു നിർദ്ദേശം തയ്യാറാക്കിയ ശേഷം അത് പൊതു ചർച്ചയ്ക്ക് വച്ചതായും തുടർന്ന് 3 ലക്ഷം ആളുകളിൽ നിന്ന് നിർദ്ദേശങ്ങൾ ലഭിച്ചതായും അത് പരിഗണിക്കുകയും അംഗീകരിക്കുകയും ചെയ്തുവെന്ന് അദ്ദേഹം പറഞ്ഞു.