അമേരിക്കയിലെ ഇന്ത്യാക്കാരടക്കമുള്ള അനധികൃത കുടിയേറ്റക്കാരെ ഗ്വാണ്ടനാമോ ജയിലുകളിലേക്ക് അയക്കാനുള്ള പ്രസിഡൻ്റ് ഡോണാൾഡ് ട്രംപിന്റെ നീക്കത്തിൽ ഇന്ത്യയ്ക്ക് ആശങ്ക. ഇന്ത്യക്കാരെ ഗ്വാണ്ടനാമോ ജയിലുകളിലേക്ക് നാടുകടത്തുന്നതിനോട് യോജിപ്പില്ല. ഇന്ത്യക്കാരെ തിരിച്ചു സ്വീകരിക്കുന്ന നയം കുടിയേറിയവരുടെ സുരക്ഷ ഉറപ്പാക്കാനാണ്. സൈനിക വിമാനത്തിലാണെങ്കിലും ഇവരെ ഇന്ത്യയിലേക്ക് തന്നെ തിരികെ എത്തിക്കണം എന്ന് നിർദ്ദേശിക്കുമെന്ന് കേന്ദ്ര സർക്കാർ വൃത്തങ്ങൾ പറയുന്നു.
അമേരിക്കയിൽ നിന്ന് ഇതുവരെ 37000 പേരെയാണ് ഡോണാൾഡ് ട്രംപ് ഒരു മാസത്തിനിടെ നാടു കടത്തിയത്. ഇന്ത്യയിലേക്ക് ഇതുവരെ മൂന്ന് സൈനിക വിമാനങ്ങളാണ് കുടിയേറ്റക്കാരുമായി എത്തിയത്.
40 മണിക്കൂറുകളായിൽ അധികമെടുത്ത യാത്രകളിൽ കുടിയേറ്റക്കാരെന്ന് മുദ്ര കുത്തിയവരുടെ കൈകളിലും കാലുകളിലും വിലങ്ങിട്ടാണ് അമേരിക്ക ഇന്ത്യയിലെത്തിച്ചത്. ഇതിനെതിരെ രാജ്യമൊട്ടാകെ പ്രതിഷേധം ഉയർന്നിരുന്നെങ്കിലും പ്രധാനമന്ത്രി മോദി ഇതുമായി ബന്ധപ്പെട്ട ആശങ്ക ഒന്നും തന്നെ അമേരിക്കയെ അറിയിച്ചിട്ടില്ലെന്നാണ് റിപ്പോർട്ടുകൾ പറയുന്നത്.
