രാജ്യത്ത് തുടര്ച്ചയായി മൂന്നാം ദിവസവും പ്രതിദിന കോവിഡ് രോഗികളുടെ എണ്ണം 20,000ത്തില് താഴെ തുടരുന്നു. കഴിഞ്ഞ 24 മണിക്കൂറിനിടെ 13,405 പുതിയ കോവിഡ് കേസുകളാണ് റിപ്പോര്ട്ട് ചെയ്തത്. ഈ വര്ഷം ഇതുവരെ റിപ്പോര്ട്ട് ചെയതതില് ഏറ്റവും കുറവ് കേസുകളാണിത്. പ്രതിദിന ടെസ്റ്റ് പോസിറ്റിവിറ്റി നിരക്ക് 1.24 ശതമാനമാണ്.
നിലവില് 1,81,075 പേരാണ് രാജ്യത്ത കോവിഡ് ബാധിച്ച് ചികിത്സയില് കഴിയുന്നത്. 49 ദിവസത്തിന് ശേഷമാണ് സജീവ കേസുകളുടെ എണ്ണം 2 ലക്ഷത്തില് താഴെ എത്തുന്നത്.
235 കോവിഡ് മരണങ്ങള് കൂടി സ്ഥിരീകരിച്ചു. ഇതോടെ രാജ്യത്തെ ആകെ കോവിഡ് മരണസംഖ്യ 5,12,344 ആയി ഉയര്ന്നു.
കഴിഞ്ഞ 24 മണിക്കൂറിനിടെ 34,226 പേര് രോഗമുക്തി നേടിയതോടെ ആകെ രോഗമുക്തരുടെ എണ്ണം 4,21,58,510 ആയി. രോഗമുക്തി നിരക്ക് 98.38 ശതമാനമായി ഉയര്ന്നു.
അതേസമയം രാജ്യത്ത് ഇതുവരെ 175.83 കോടി ഡോസ് കോവിഡ് വാക്സിന് വിതരണം ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു.