രാജ്യത്ത് പ്രതിദിന കോവിഡ് രോഗികളുടെ എണ്ണത്തില് കുറവ് രേഖപ്പെടുത്തി. കഴിഞ്ഞ 24 മണിക്കൂറിനിടെ 22,270 കോവിഡ് കേസുകളാണ് റിപ്പോര്ട്ട്് ചെയ്തത്.
കഴിഞ്ഞ ദിവസത്തേക്കാള് 14 ശതമാനം കേസുകളുടെ കുറവാണ് ഉണ്ടായിരിക്കുന്നത്. പ്രതിദിന ടെസ്റ്റ് പോസിറ്റിവിറ്റി നിരക്ക് 1.8 ശതമാനമായി കുറഞ്ഞു. പ്രതിവാര ടെസ്റ്റ് പോസിറ്റിവിറ്റി നിരക്ക് 2.50 ശതമാനമാണ്.
നിലവില് 2,53,729 പേരാണ് രാജ്യത്ത് കോവിഡ് ബാധിച്ച് ചികിത്സയില് കഴിയുന്നത്. 325 കോവിഡ് മരണങ്ങള് കൂടി സ്ഥിരീകരിച്ചിട്ടുണ്ട്. ഇതോടെ രാജ്യത്തെ ആകെ കോവിഡ് മരണസംഖ്യ 5,11,230 ആയി ഉയര്ന്നു.
കഴിഞ്ഞ 24 മണിക്കൂറിനിടെ 60,298 പേര് രോഗമുക്തി നേടിയതോടെ ആകെ രോഗമുക്തരുടെ എണ്ണം 4,20,37,536 ആയി. രാജ്യത്തെ രോഗമുക്തി നിരക്ക് 98.21 ശതമാനമായി ഉയര്ന്നു.
അതേസമയം രാജ്യത്ത് ഇതുവരെ 175.03 കോടി ഡോസ് കോവിഡ് വാക്സിന് വിതരണം ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു.