നിതീഷ് കുമാറിന്റെ രാജിയിൽ പഴയ വിമർശന ട്വീറ്റ് വീണ്ടും പങ്കുവച്ച് ശശി തരൂർ എംപിയുടെ പ്രതികരണം. നിതീഷ് ഒരു “സ്നോളിഗോസ്റ്റർ”(ധാർമികതയേക്കാൾ വ്യക്തിപരമായ നേട്ടങ്ങൾക്ക് പ്രാധാന്യം കൽപ്പിക്കുന്ന രാഷ്ട്രീയക്കാരൻ) ആണെന്ന് വിമർശനം. സോഷ്യൽ മീഡിയ പ്ലാറ്റ്ഫോമായ എക്സിലുടെയാണ് തരൂർ പോസ്റ്റ് ഷെയർ ചെയ്തത്.
2017ൽ ബിഹാറിലെ മഹാസഖ്യം വിട്ട് കുമാർ ബിജെപിയിൽ ചേർന്നിരുന്നു.അന്ന് തരൂർ ട്വീറ്റ് ചെയ്ത വാക്കാണ് സ്നോലിഗോസ്റ്റർ എന്നത്. “ഇത് മറ്റൊരു ദിവസത്തിൻ്റെ വാക്കായിരിക്കുമെന്ന് അറിഞ്ഞിരുന്നില്ല! എന്ന് പറഞ്ഞാണ് തരൂർ വീണ്ടും പോസ്റ്റ് ഷെയർ ചെയ്തത്.
ബിജെപി പിന്തുണയോടെയാണ് നിതീഷ് കുമാർ വീണ്ടും മുഖ്യമന്ത്രിസ്ഥാനത്തേക്ക് തിരിച്ചെത്തുന്നത്.ഇത് 9ാം തവണയാണ് നിതിഷ് വീണ്ടും മുഖ്യമന്ത്രിയാകാന് പോകുന്നത്. നിതിഷിനെ പിന്തുണച്ചുകൊണ്ട് ഇനി ബിജെപി എംഎല്എമാര് കത്ത് നല്കും. നിതിഷ് കുമാറിന്റെ ബിജെപി പ്രവേശനം ഇന്ത്യാ സഖ്യത്തിന് വന് തിരിച്ചടിയാണ് നൽകിയത്.