കോവിഡ് ബാധിച്ച കസ്റ്റഡിയില് കഴിയുന്ന മാധ്യമ പ്രവര്ത്തകന് സിദ്ദിഖ് കാപ്പനെ ചികിത്സയ്ക്കായി ഡല്ഹിയിലെ എയിംസില് പ്രവേശിപ്പിച്ചു. മഥുര ജയില് അധികൃതര് ആണ് ഇക്കാര്യം അറിയിച്ചത്. ഇന്നലെയാണ് മഥുര ജയിലില് നിന്ന് കാപ്പനെ ഡല്ഹിയിലേക്ക് കൊണ്ട് വന്നത്.
ഡെപ്യുട്ടി ജയിലറും മെഡിക്കല് ഓഫീസറും ഉള്പ്പെടുന്ന സംഘമാണ് സിദ്ദിഖ് കാപ്പനെ ഡല്ഹിയിലേക്ക് കൊണ്ട് വന്നത്. പ്രമേഹം ഉള്പ്പടെയുള്ള അസുഖങ്ങള് അലട്ടുന്ന കാപ്പനെ ചികിത്സയ്ക്കായി ഡല്ഹിയിലേക്ക് മാറ്റണമെന്ന് ചീഫ് ജസ്റ്റിസ് എന്.വി രമണ അദ്ധ്യക്ഷനായ സുപ്രീംകോടതി ബെഞ്ച് നിര്ദേശിച്ചിരുന്നു.
ശുചിമുറിയില് വീണതിനെ തുടര്ന്ന് താടിയെല്ലിന് പരിക്ക് ഉണ്ടായതായി നേരത്തെ മധുര ജയിലിലെ മെഡിക്കല് സൂപ്രണ്ട് സുപ്രീംകോടതിയെ അറിയിച്ചിരുന്നു. ഈ പരിക്ക് സംബന്ധിച്ച് വിശദമായ പരിശോധന ഡല്ഹിയിലെ എയിംസില് നടത്തുമെന്നാണ് സൂചന.