രാജ്യത്തെ എല്ലാ പള്ളികളിലും മുസ്ലിം സ്ത്രീകളെ പ്രവേശിപ്പിക്കണമെന്ന് ആവശ്യപ്പെട്ടുള്ള ഹർജിയിൽ കേന്ദ്ര സർക്കാരിന്റെ പ്രതികരണം സുപ്രീം കോടതി വെള്ളിയാഴ്ച ആവശ്യപ്പെട്ടു.
പള്ളികളിൽ സ്ത്രീകളെ പ്രവേശിപ്പിക്കണമെന്ന് ആവശ്യപ്പെട്ടുകൊണ്ടുള്ള പൊതുതാല്പര്യ ഹർജിയിൽ ചീഫ് ജസ്റ്റിസ് രഞ്ജൻ ഗോഗോയ്, ജസ്റ്റിസുമാരായ എസ്. എ. ബോബ്ഡെ, എസ്. എ നസീർ എന്നിവരടങ്ങിയ ബെഞ്ച് കേന്ദ്ര നിയമ, നീതി, ന്യൂനപക്ഷ കാര്യ മന്ത്രാലയത്തിന് നോട്ടീസ് നൽകി.
സ്ത്രീകളെ പള്ളികളിലേക്ക് പ്രവേശിക്കാൻ അനുവദിക്കണമെന്ന് സർക്കാർ അധികാരികൾക്കും വഖ്ഫ് ബോർഡ് പോലുള്ള മുസ്ലിം സംഘടനകൾക്കും നിർദ്ദേശം നൽകണമെന്നാവശ്യപ്പെട്ടും അല്ലാത്ത പക്ഷം വിവിധ മൗലികാവകാശങ്ങളുടെ ലംഘനമാണ് നിഷേധിക്കുന്നതെന്നും ചൂണ്ടിക്കാട്ടി യാസ്മീൻ സുബർ അഹമദ് പീർസാഡെ എന്നയാളാണ് അപേക്ഷ നൽകിയത്.
