പ്രജ്ഞ സിംഗ് താക്കൂറിന് വോട്ട് ചെയ്യരുതെന്ന് ആഹ്വാനം ചെയ്ത് ബോളിവുഡ് നടനും സംവിധായകനുമായ ഫര്‍ഹാന്‍ അക്തറിന്റെ ട്വീറ്റ്. “എത്രയും പ്രിയപ്പെട്ട ഭോപ്പാലിലെ വോട്ടര്‍മാരെ, മറ്റൊരു ഗ്യാസ് ദുരന്തത്തില്‍ നിന്നും നിങ്ങളുടെ നഗരത്തെ രക്ഷിക്കാനുള്ള സമയമാണിത്”.
ഫര്‍ഹാന്‍ അക്തര്‍ കുറിച്ചു. പ്രജ്ഞ സിംഗിനോടും ഗോഡ്‌സെയോടും നോ പറയുക, മഹാത്മാ ഗാന്ധിയെ ഓര്‍മ്മിക്കുക, വെറുപ്പിന് മുകളില്‍ സ്‌നേഹം തെരഞ്ഞെടുക്കുക എന്നീ ഹാഷ് ടാഗുകളോടെയാണ് ഫര്‍ഹാന്‍ ട്വീറ്റ് പോസ്റ്റ് ചെയ്തിരിക്കുന്നത്.
അതെ സമയം ഫര്‍ഹാന്‍ അക്തറിന്റെ പോസ്റ്റിലെ തെറ്റുകള്‍ ചൂണ്ടിക്കാട്ടിയും നിരവധി പേര്‍ ട്വീറ്റ് ചെയ്തിട്ടുണ്ട്. പ്രജ്ഞയ്ക്ക് വോട്ട് ചെയ്യരുതെന്ന് പറഞ്ഞ ഭോപ്പാലില്‍ കഴിഞ്ഞ മെയ് 12ന് തെരഞ്ഞെടുപ്പ് നടപടികള്‍ പൂര്‍ത്തിയായതാണ്. ആറാം ഘട്ടത്തിലായിരുന്നു ഭോപ്പാലടങ്ങുന്ന സംസ്ഥാനങ്ങളില്‍ തെരഞ്ഞെടുപ്പ് അരങ്ങേറിയിരുന്നത്
https://twitter.com/Suhas_AN/status/1129956546060808192