ഡൽഹിയെ നയിക്കാൻ രേഖ ഗുപത. പുതിയ മുഖ്യമന്ത്രിയായി അധികാരമേൽക്കും. ഷാലിമാർ ബാഗ് മണ്ഡലത്തിൽ നിന്നുള്ള എംഎൽഎയായ രേഖ ഗുപ്തയാണ് ഡൽഹിയിലെ ബിജെപി സർക്കാരിനെ നയിക്കുക. രാജ്യതലസ്ഥാനത്തിൻ്റെ മുഖ്യമന്ത്രിയാകുന്ന നാലാമത്തെ വനിതയാകും രേഖ ഗുപ്ത. സുഷമ സ്വരാജ്, ഷീല ദീക്ഷിത്, അതിഷി എന്നിവർക്ക് ശേഷം ഡൽഹിയുടെ നാലാമത്തെ വനിതാ മുഖ്യമന്ത്രിയായി രേഖ ഗുപ്ത ഇന്ന് സത്യപ്രതിജ്ഞ ചെയ്യും.
ഷാലിമാര്ബാഗ് മണ്ഡലത്തില് 29595 വോട്ടിന്റെ ഭൂരിപക്ഷത്തില് വിജയിച്ച രേഖ ഗുപ്ത മഹിളാ മോര്ച്ച ദേശീയ വൈസ് പ്രസിഡന്റാണ്. 27 വര്ഷത്തിന് ശേഷമാണ് ബിജെപി ദില്ലിയില് ഭരണം പിടിച്ചെടുക്കുന്നത്. ഇത്തവണയും വനിതാ മുഖ്യമന്ത്രിയെയാണ് ബിജെപി തീരുമാനിച്ചിരിക്കുന്നത്. ഡല്ഹിയിലെ ആദ്യ നിയമസഭാ തിരഞ്ഞെടുപ്പില് 1998ല് സുഷമാ സ്വരാജ് മുഖ്യമന്ത്രിയായിരുന്നു. 70 അംഗ നിയമസഭയില് 48 സീറ്റുകളിലാണ് ബിജെപി ജയിച്ചത്. 2019 ലോക്സഭാ തിരഞ്ഞെടുപ്പില് 5,78,486 വോട്ടുകളുടെ ചരിത്ര വിജയമാണ് പര്വേശ് വര്മ്മ മുന്പ് നേടിയിട്ടുള്ളത്.
മുഖ്യമന്ത്രി സ്ഥാനത്തേക്ക് വനിതയെ ആയിരിക്കും ബിജെപി നിയോഗിക്കുക എന്ന വാര്ത്തകള് നേരത്തെ പുറത്തുവന്നിരുന്നു. അതിനിര്ണായക ചര്ച്ചകള്ക്കൊടുവിലാണ് ബിജെപിയുടെ പ്രഖ്യാപനം. വോട്ടെണ്ണലിന് ശേഷം പതിനൊന്നാം നാളാണ് ബിജെപി മുഖ്യമന്ത്രിയെ പ്രഖ്യാപിക്കുന്നത്.