ഹരിയാനയിലെ റയാൻ ഇന്റർനാഷണൽ സ്കൂൾ കൊലപാതകക്കേസിൽ പ്രതിക്ക് ജാമ്യമില്ല. സ്കൂളിലെ രണ്ടാം ക്ലാസ് വിദ്യാർഥി കൊല്ലപ്പെട്ട കേസിൽ അറസ്റ്റിലായ 11-ാം ക്ലാസ് വിദ്യാർഥിക്കാണ് കോടതി ജാമ്യം നിഷേധിച്ചത്.
ഹരിയാന ഗുരുഗ്രാം കോടതിയുടേതാണ് നടപടി. ഗുരുഗ്രാമിലെ റയാൻ ഇന്റർനാഷണൽ സ്കൂളിലെ രണ്ടാംക്ലാസ് വിദ്യാർഥി പ്രദ്യുമൻ ഠാക്കൂറിനെ സെപ്റ്റംബർ എട്ടിനാണ് സ്കൂളിലെ ശുചിമുറിയിൽ കൊല്ലപ്പെട്ട നിലയിൽ കണ്ടെത്തിയത്. സംശയത്തിന്റെ പേരിൽ ആദ്യം സ്കൂളിലെ ബസ് ഡ്രൈവറെ പോലീസ് അറസ്റ്റ് ചെയ്തിരുന്നു.
പിന്നീട് സിബിഐയാണ് പതിനൊന്നാം ക്ലാസ് വിദ്യാർഥിയെ അറസ്റ്റ് ചെയ്തത്. കേസിൽ പ്രതിയായ വിദ്യാർഥിയെ മുതിർന്ന വ്യക്തിയായി പരിഗണിച്ച് വിചാരണ നടത്താൻ ജുവനൈൽ ജസ്റ്റീസ് ബോർഡ് ഉത്തരവിടുകയും ചെയ്തിരുന്നു. വിദ്യാർത്ഥിയെ മുതിർന്ന വ്യക്തിയായി കണക്കാക്കിയതും ജാമ്യം നിഷേധിക്കാൻ കാരണമായി.