ഗുജറാത്തിലെ ഗെയ്മിംഗ് സെന്ററിലുണ്ടായ തീപിടിത്തത്തില് മരിച്ചവരുടെ എണ്ണം 27 ആയി. രാജ്കോട്ടിലെ ഗയ്മിംഗ് സെന്ററില് മരിച്ചവരില് ഒന്പത് കുട്ടികളുമുള്പ്പെടുമെന്ന് പൊലീസ് വ്യക്തമാക്കി.
അപകടത്തില് 38 പേര്ക്ക് പൊള്ളലേറ്റിട്ടുണ്ട്. അപകടത്തില് നിന്നും 15 കുട്ടികളെ രക്ഷപെടുത്തിയതായി ദൗത്യ സംഘം വ്യക്തമാക്കി. പരിക്കേറ്റവരെ രാജ്കോട്ട് സിവില് ആശുപത്രിയില് പ്രവേശിപ്പിച്ചിരിക്കുകയാണ്.
മരിച്ചവരുടെ കുടുംബങ്ങള്ക്ക് ഗുജറാത്ത് സര്ക്കാര് നാല് ലക്ഷം രൂപ സഹായധനം പ്രഖ്യാപിച്ചു. കൂടാതെ പരിക്കേറ്റവര്ക്ക് 50000 രൂപയും ധന സഹായം നല്കും. തീപിടുത്തത്തെ കുറിച്ച് അന്വേഷിക്കാന് പ്രത്യേക സംഘത്തെ നിയമിച്ചതായും ഗുജറാത്ത് മുഖ്യമന്ത്രി ഭൂപേന്ദ്ര പട്ടേല് അറിയിച്ചു. അപകടം നടന്ന ടിആര്പി ഗെയിം സോണ് പ്രവര്ത്തിച്ചത് മതിയായ രേഖകള് ഇല്ലാതെയെന്ന് പോലീസ് അറിയിച്ചു.