തിരഞ്ഞെടുപ്പ് തന്ത്രജ്ഞന്‍ പ്രശാന്ത് കിഷോര്‍ പുതിയ പാര്‍ട്ടി രൂപികരിക്കുന്നു. ഒക്ടോബര്‍ രണ്ട് ഗാന്ധി ജയന്തി ദിനത്തിലായിരിക്കും പുതിയ പാര്‍ട്ടി ഉണ്ടാക്കുകയെന്ന് അദേഹം വ്യക്തമാക്കി.
ബിഹാര്‍ തെരഞ്ഞെടുപ്പിന് മുമ്പ് പാര്‍ട്ടി രൂപീകരിക്കാനാണ് പ്രശാന്ത് കിഷോറിന്റെ പദ്ധതി.
ഒക്ടോബര്‍ രണ്ടിന് പുതിയ പാര്‍ട്ടിക്ക് തറക്കല്ലിടും. ഒരു ലക്ഷത്തോളം പ്രവര്‍ത്തകര്‍ ആദ്യഘട്ടത്തില്‍ പാര്‍ട്ടിക്കുണ്ടാകുമെന്നും അദ്ദേഹം പറഞ്ഞു.
2025ലെ നിയമസഭ തെരഞ്ഞെടുപ്പില്‍ ബിഹാറില്‍ വിജയിക്കുമെന്നും പ്രശാന്ത് കിഷോര്‍ പറഞ്ഞു. ബിഹാര്‍ മുന്‍ മുഖ്യമന്ത്രി കര്‍പൂരി താക്കൂറിന്റെ പേരമകള്‍ ഡോ.ജാഗ്രതി കിഷോറിന്റെ ജന്‍ സൂരജ് കാമ്പയിനില്‍ ചേര്‍ന്നു.
2024ലെ ലോക്‌സഭ തെരഞ്ഞെടുപ്പില്‍ സ്വതന്ത്ര സ്ഥാനാര്‍ഥിയായി വിജയിച്ച ആനന്ദ് മിശ്രയും പ്രശാന്ത് കിഷോറിന് പിന്തുണ പ്രഖ്യാപിച്ചിട്ടുണ്ട്.
