ലോക്സഭ തിരഞ്ഞെടുപ്പിന്റെ ആറാംഘട്ടമായ ഇന്ന് രാജ്യത്തിന്റെ പല ഭഗങ്ങളിലും അക്രമസംഭവങ്ങള്‍ അരങ്ങേറി. ഇതിനിടെ ബീഹാറില്‍ പോളിംഗ് ഉദ്യോഗസ്ഥന് വെടിയേറ്റു. വോട്ടെടുപ്പിനിടെ ഹോം ഗാര്‍ഡിന്റെ തോക്കില്‍ നിന്ന് അബദ്ധത്തില്‍ വെടി പൊട്ടുകയായിരുന്നു. സ്‌കൂള്‍ ടീച്ചറായ ശിവേന്ദ്ര കിഷോറിനാണ് വെടിയേറ്റത്.
മധോപ്പൂര്‍ സുന്ദര്‍ വില്ലേജിലെ പോളിംഗ് ബൂത്തില്‍ നിന്നാണ് ശിവേന്ദ്ര കിഷോറിനു വെടിയേറ്റത്. ജില്ലാ ആശുപത്രിയില്‍ പ്രാഥമിക ചികിത്സ ലഭ്യമാക്കിയതിന് ശേഷം കിഷോറിനെ വിദഗ്ദ ചികിത്സയ്ക്കു വേണ്ടി മുസഫര്‍പൂരിലെ എച്ച്.കെ.എം.സി ആശുപത്രിയില്‍ പ്രവേശിപ്പിച്ചിരിക്കുകയാണ്.