ലോകത്തെ മുഴുവൻ അത്ഭുതപ്പെടുത്തിയെന്നും മേള പ്രദേശത്തും ന്യൂഡൽഹി റെയിൽവേ സ്റ്റേഷനിലും ഉണ്ടായ രണ്ട് തിക്കിലും തിരക്കിലും മൗനം പാലിച്ചുവെന്നും കുംഭമേളയുടെ സംഘാടനത്തെ കുറിച്ച് പ്രധാനമന്ത്രി നരേന്ദ്ര മോദി. കുംഭമേളയിലെ ക്രമീകരണങ്ങളിൽ എന്തെങ്കിലും പോരായ്മകൾ ഉണ്ടായിട്ടുണ്ടെങ്കിൽ, “ഗംഗാ മാതാവിനോടും, യമുന മാതാവിനോടും, സരസ്വതി മാതാവിനോടും” – പൊതുജനങ്ങളോടും – ക്ഷമ ചോദിക്കുന്നുവെന്ന് മോദി.
ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് മോദി ക്ലീൻ ചിറ്റ് നൽകി. മേള സംഘടിപ്പിക്കുന്നതിൽ അദ്ദേഹത്തിന്റെ നേതൃത്വപരമായ പങ്കിനെ പ്രശംസിച്ചു. “ആധുനിക മാനേജ്മെന്റ് പ്രൊഫഷണലുകളും ആസൂത്രണ, നയ വിദഗ്ധരും” കുംഭമേള നടത്തുന്ന രീതി പഠിക്കണമെന്ന് മോദി നിർദ്ദേശിച്ചു.
“ഇത്രയും വലിയൊരു പരിപാടി സംഘടിപ്പിക്കുക എന്നത് എളുപ്പമുള്ള കാര്യമല്ലായിരുന്നു എന്ന് എനിക്കറിയാം. ഞങ്ങളുടെ ഭക്തിയിൽ എന്തെങ്കിലും പോരായ്മകൾ സംഭവിച്ചിട്ടുണ്ടെങ്കിൽ ഗംഗാ മാതാവിനോടും യമുന മാതാവിനോടും സരസ്വതി മാതാവിനോടും ക്ഷമിക്കണമെന്ന് ഞാൻ പ്രാർത്ഥിക്കുന്നു,” 44 ദിവസം നീണ്ടുനിന്ന പരിപാടിയുടെ സമാപനം കുറിച്ചുകൊണ്ട് മോദി തന്റെ വെബ്സൈറ്റിലെ ഒരു ബ്ലോഗിൽ ബുധനാഴ്ച എഴുതി.