തമിഴ്നാട്ടില് വീണ്ടും ഒരു വിദ്യാര്ത്ഥിനി ആത്മഹത്യ ചെയ്തു. തിരുവള്ളൂര് ജില്ലയിലെ കീഴ്ചേരി സെന്റ് ആന്റണീസ് സ്കൂളിലെ പ്ലസ് ടു വിദ്യാര്ത്ഥിനിയാണ് മരിച്ചത്. ഹോസ്റ്റലില് തൂങ്ങി മരിച്ചനിലയില് കണ്ടെത്തുകയായിരുന്നു. സേക്രട്ട് ഹാര്ട്ട് സ്കൂളിലെ വിദ്യാര്ത്ഥിനിയായ സരളയാണ് മരിച്ചത്.
മൃതദേഹം പോസ്റ്റ്മോര്ട്ടത്തിനായി തിരുവള്ളൂര് സര്ക്കാര് മെഡിക്കല് കോളജിലേക്ക് മാറ്റിയിരിക്കുകയാണ്. രാവിലെ വിദ്യാര്ത്ഥിനി സ്കൂളില് എത്തിയിരുന്നു. സംഭവത്തില് ക്രൈംബ്രാഞ്ചും സിബിസിഐഡിയും അന്വേഷണം ആരംഭിച്ചിട്ടുണ്ട്.
വിദ്യാര്ത്ഥിനിയുടെ മരണത്തില് പ്രതിഷേധം ശക്തമാണ്. ബന്ധുക്കളും നാട്ടുകാരും വിദ്യാര്ത്ഥിനിയുടെ വീടിനു സമീപം റോഡ് ഉപരോധിച്ചു. ഹോസ്റ്റലിലെ മറ്റ് വിദ്യാര്ത്ഥികളുടെ മാതാപിതാക്കളും പ്രതിഷേധിക്കുകയാണ്. സംഘര്ഷ സാധ്യത മുന്നില് കണ്ട് പ്രദേശത്ത് വന് സുരക്ഷയാണ് ഒരുക്കിയിരിക്കുന്നത്.
രണ്ടാഴ്ച മുമ്പ തമിഴ്നാട്ടിലെ കള്ളക്കുറിച്ചിയില് ഒരു പ്ലസ് ടു വിദ്യാര്ത്ഥിനി ഹോസറ്റലിന് മുകളില് നിന്ന് ചാടി ആത്മഹത്യ ചെയ്യുകയായിരുന്നു.അതേ തുടര്ന്ന് സ്കൂളിലും പരിസര പ്രദേശത്തും വന് സംഘര്ഷമാണ് നടന്നത്. ഇതേ തുടര്ന്നാണ് തിരുവള്ളൂരില് സുരക്ഷ ശക്തമാക്കിയിരിക്കുന്നത്.