ബിജെപി പ്രാദേശിക നേതാവിന്റെ മകള്ക്ക് അശ്ലീല സന്ദേശങ്ങള് അയയ്ക്കുകയും നഗ്ന ചിത്രങ്ങള് ആവശ്യപ്പെടുകയും ചെയ്ത ബിജെപി എംഎല്എക്കെതിരെ കേസെടുത്ത് പൊലീസ്. ഹിമാചല്പ്രദേശിലെ ബിജെപി എംഎല്എ ഹന്സ് രാജിനെതിരെയാണ് പൊലീസ് കേസെടുത്തിരിക്കുന്നത്. പെണ്കുട്ടിയുടെ പരാതിയെ തുടര്ന്നാണ് പൊലീസ് നടപടി.
മുന് ഡപ്യൂട്ടി സ്പീക്കറായിരുന്ന ഹന്സ് രാജ് ബിജെപി സംസ്ഥാന ഘടകം വൈസ് പ്രസിഡന്റ് കൂടി ആണ്. ഈ മാസം 9ന് രജിസ്റ്റര് ചെയ്ത കേസ് കഴിഞ്ഞ തിങ്കളാഴ്ചയാണ് പുറത്തുവരുന്നത്. അതേസമയം മജിസ്ട്രേറ്റിന് മുന്നില് മൊഴി നല്കിയ പെണ്കുട്ടിയുടെ പരാതിയില് അന്വേഷണം നടക്കുന്നതായി പൊലീസ് അറിയിച്ചു.
പരാതിക്കാരിയുടെ പിതാവ് ബിജെപിയുടെ ബൂത്ത് ലെവല് നേതാവാണ്. ഹന്സ് രാജ് തനിക്ക് അശ്ലീല സന്ദേശങ്ങള് അയച്ചുവെന്നും ഒറ്റയ്ക്ക് കാണാന് നിര്ബന്ധിച്ചതായും നഗ്നചിത്രങ്ങള് ആവശ്യപ്പെട്ടതായും യുവതി പരാതിയില് പറയുന്നു. തനിക്കും കുടുംബത്തിനും സംരക്ഷണം വേണമെന്ന് ആവശ്യപ്പെട്ട പെണ്കുട്ടി എംഎല്എ തെളിവുകള് സശിപ്പിക്കാന് സമ്മര്ദം ചെലുത്തുന്നുണ്ടെന്നും പറഞ്ഞു.