ആഭ്യന്തരമന്ത്രി അമിത് ഷാ എത്രതവണ തമിഴ്‌നാട്ടിലെത്തിയാലും ബിജെപിക്ക് ഒരിക്കലും ഭരണംകിട്ടില്ലെന്ന് മുഖ്യമന്ത്രി എംകെ സ്റ്റാലിന്‍. തമിഴ്നാട് എന്നും ഡല്‍ഹിയുടെ നിയന്ത്രണത്തിന് പുറത്തായിരിക്കുമെന്നും അദേഹം പറഞ്ഞു.
അണ്ണാ ഡിഎംകെയും അതിന്റെ ജനറല്‍ സെക്രട്ടറി എടപ്പാടി പഴനിസ്വാമിയും ബിജെപിക്ക് മുന്നില്‍ നിരുപാധികം കീഴടങ്ങി. തമിഴ്നാടിനെക്കൂടി ബിജെപിയുടെ കാല്‍ക്കീഴിലാക്കാനാണ് എടപ്പാടി ശ്രമിക്കുന്നത്. അതിന്റെ ഭാഗമായാണ് അമിത്ഷാ അടിക്കടി തമിഴ്നാട് സന്ദര്‍ശിക്കുന്നതെന്നും സ്റ്റാലിന്‍ ആരോപിച്ചു. .
ബിജെപി അധികാരം പിടിച്ചാല്‍ തമിഴ്നാട്ടില് ഹിന്ദി അടിച്ചേല്‍പ്പിക്കും. മതസൗഹാര്‍ദം തകര്‍ത്ത് വര്‍ഗീയ ലഹളയുണ്ടാക്കും. സംസ്ഥാനത്ത് ഭരണവിരുദ്ധ വികാരം ഒട്ടുമില്ല. ഒരു കോമാളിക്കൂട്ടത്തിനും ഡിഎംകെ മുന്നണിയെ തോല്‍പ്പിക്കാന്‍ കഴിയില്ല. 2026-ലെ തിരഞ്ഞെടുപ്പില്‍ 200-ലധികം സീറ്റുനേടി ഡിഎംകെ മുന്നണിതന്നെ അധികാരത്തില്‍വരുമെന്ന് സ്റ്റാലിന്‍ പറഞ്ഞു. മുന്നണിയിലെ ഓരോ പാര്‍ട്ടിക്കും അതിന്റെ നേതാക്കള്‍ക്കും അര്‍ഹമായ പരിഗണന നല്‍കുമെന്നും സ്റ്റാലിന്‍ പറഞ്ഞു.
