മുൻ ധനകാര്യ, കോർപ്പറേറ്റ് കാര്യ മന്ത്രി അരുൺ ജെയ്റ്റ്‌ലിയെ പരിപാലിക്കുന്ന ഡോക്ടർമാരുടെ സംഘം തങ്ങളാലാവുന്നതെല്ലാം ചെയ്യുന്നുണ്ട്. അദ്ദേഹം കൃത്യമായ നിരീക്ഷണത്തിലാണ്. ഇപ്പോൾ അദ്ദേഹത്തിന്റെ ആരോഗ്യസ്ഥിതിയിൽ വലിയ മാറ്റമൊന്നുമില്ലെന്ന് ആരോഗ്യ മന്ത്രാലയത്തിലെ മുതിർന്ന ഉദ്യോഗസ്ഥൻ പറഞ്ഞു.
ഡോക്ടർമാരുടെ അഭിപ്രായത്തിൽ, വെന്റിലേറ്ററിലേക്ക് മാറ്റിയ ജെയ്റ്റ്‌ലിയുടെ ആരോഗ്യനിലയിൽ കാര്യമായ പുരോഗതിയോ താഴ്ച്ചയോ സംഭവിച്ചിട്ടില്ല. 66- കാരനായ ജെയ്റ്റ്‌ലിയെ ഓഗസ്റ്റ് 9 നാണ് എയിംസിൽ പ്രവേശിപ്പിച്ചത്.
കഴിഞ്ഞ വർഷം മെയ് 14- ന് എയിംസിൽ ജെയ്റ്റ്‌ലി വൃക്ക മാറ്റിവെയ്ക്കൽ നടത്തിയിരുന്നു. 2019 ജനുവരിയിൽ, അപൂർവമായ സോഫ്റ്റ്-ടിഷ്യു സർക്കോമ രോഗനിർണയം നടത്തിയതിനെ തുടർന്ന് ന്യൂയോർക്കിൽ കൊണ്ടുപോയി ചികിത്സിച്ചിരുന്നു.
