പൂഞ്ചിലെ ഭീകരാക്രമണത്തിൽ എൻ ഐ എ അന്വേഷണം ഏറ്റെടുത്തു. ആക്രമണം നടത്തിയ ഭീകരർക്കായി സൈന്യം തെരച്ചിൽ തുടരുകയാണ്. അടുത്ത മാസം ജി 20 യുടെ ഭാഗമായുള്ള പരിപാടി ജമ്മു കശ്മീരിൽ നടക്കാനിരിക്കെയാണ് ആക്രമണം . ഏറെ ഗൗരവത്തോടെയാണ് കേന്ദ്ര സർക്കാർ ഈ സംഭവത്തെ കാണുന്നത്. നിലവിലെ സാഹചര്യം കണക്കിലെടുത്ത് കശ്മീരിൽ കനത്ത ജാഗ്രതാനിർദേശം നൽകിയിരിക്കുകയാണ്. ഭീകരതയ്ക്ക് എതിരെ കടുത്ത നടപടി സ്വീകരിക്കുമെന്ന് പ്രതിരോധ മന്ത്രി ട്വീറ്റ് ചെയ്തു.
കഴിഞ്ഞ ദിവസം തന്നെ എൻഐഎ സംഘം സ്ഥലത്ത് പരിശോധന നടത്തി. അഞ്ച് സൈനികരാണ് ആക്രമണത്തിൽ വീരമൃത്യു വരിച്ചത്. പരിക്കേറ്റ സൈനികന്റെ നില ഗുരുതരമായി തുടരുന്നു. ആക്രമണത്തിന്റെ ഉത്തരവാദിത്വം ജെയ് ഷേ അനൂകൂല സംഘടന ഏറ്റെടുത്തു എന്നാണ് റിപ്പോർട്ടുകൾ.