നീറ്റ് പരീക്ഷ തൽകാലം റദ്ധാക്കില്ലെന്ന് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ. വിദ്യാർത്ഥികളുടെ ഭാവിക്കാണ് മുൻഗണനയെന്ന് മന്ത്രി പറഞ്ഞു. നിലവിൽ കള്ളപ്രചാരണവും രാഷ്ട്രീയവും ഒഴിവാക്കണമെന്ന് മന്ത്രി നിർദേശവും നൽകി.
ബിഹാറിലേത് ഒറ്റപ്പെട്ട സംഭവമാണെന്നും വിവാദം ലക്ഷക്കണക്കിന് വിദ്യാർഥികളെ ബാധിക്കാൻ പാടില്ലെന്നും മന്ത്രി പറഞ്ഞു. നാഷണൽ ടെസ്റ്റിങ് ഏജൻസിയുടെ സുതാര്യത ഉറപ്പാക്കാൻ ഉന്നതതലസമിതി രൂപവത്കരിക്കുമെന്നും മന്ത്രി ഡൽഹിയിൽ വിളിച്ചുചേർത്ത വാർത്താസമ്മേളനത്തിൽ അറിയിച്ചു.
അതേസമയം സുതാര്യതയിൽ വിട്ടുവീഴ്‌ചയിലെന്നും മന്ത്രി പറഞ്ഞു. നീറ്റ് പരീക്ഷയുമായി ബന്ധപ്പെട്ട വെളിപ്പെടുത്തലുകളിൽ ബിഹാർ സർക്കാരിൽനിന്ന് വിവരം തേടിയിരുന്നു.ചില വിവരങ്ങൾ അവരിൽനിന്ന് ലഭിച്ചിട്ടുണ്ട്. സംഭവത്തിൽ അന്വേഷണം നടത്തുമെന്നും കുറ്റക്കാർക്കെതിരെ നടപടിയെടുക്കുമെന്നും മന്ത്രി വ്യക്തമാക്കി.
