മുസ്ലിം വിഭാഗത്തിനെതിരെ വീണ്ടും വിദ്വേഷ പ്രസംഗവുമായി കര്ണാടക മുന് മന്ത്രിയും ബിജെപി നേതാവുമായ കെഎസ് ഈശ്വരപ്പ. ക്ഷേത്രഭൂമിയില് നിര്മ്മിച്ച പള്ളികളില് നിന്ന് മുസ്ലിങ്ങള് സ്വമേധയാ ഒഴിഞ്ഞുപോകണമെന്നും അല്ലെങ്കില് എന്ത് സംഭവിക്കുമെന്നോ എത്ര പേര് കൊല്ലപ്പെടുമെന്നോ പറയാനാവില്ലെന്നും ഈശ്വരപ്പ പറഞ്ഞു.
ബെളഗാവിയില് ഹിന്ദുത്വ കണ്വെന്ഷനില് സംസാരിക്കുന്നതിനിടെ ആയിരുന്നു ഈശ്വരപ്പയുടെ വിദ്വേഷ പ്രസംഗം. മഥുര ഉള്പ്പെടെ രണ്ട് സ്ഥലങ്ങള് കൂടി പരിഗണനയിലുണ്ട്. കോടതി വിധി വന്നാല് ക്ഷേത്ര നിര്മാണവുമായി മുന്നോട്ട് പോകും. അക്കാര്യത്തില് ഒരു സംശയവും വേണ്ട. അത്തരം മസ്ജിദുകളില് നിന്ന് മുസ്ലിങ്ങള് സ്വമേധയാ ഒഴിഞ്ഞുപോകണമെന്നും ഈശ്വരപ്പ കൂട്ടിച്ചേര്ത്തു.
ഒഴിഞ്ഞുപോയില്ലെങ്കില് എത്ര പേര് കൊല്ലപ്പെടും എന്തെല്ലാം സംഭവിക്കുമെന്ന് പറയാനാകില്ലെന്നും ഈശ്വരപ്പ അഭിപ്രായപ്പെട്ടു. വിദ്വേഷ പ്രസംഗങ്ങള്ക്ക് കുപ്രസിദ്ധി നേടിയ ആളാണ് ഈശ്വരപ്പ. കഴിഞ്ഞ ഡിസംബറില് ഗദഗില് ഇയാള് നടത്തിയ പ്രസംഗവും ഏറെ വിവാദമായിരുന്നു.
ക്ഷേത്രങ്ങള് നശിപ്പിച്ച് നിര്മ്മിച്ച ഒരു മസ്ജിദും വെറുതെ വിടില്ല. അത്തരത്തിലുള്ള ഒരു പള്ളിയും ഈ രാജ്യത്ത് നിലനില്ക്കില്ല. ഇത് തന്റെ വ്യക്തിപരമായ അഭിപ്രായമാണ്. ഇന്ത്യ ഹിന്ദു രാഷ്ട്രമാകുമെന്ന് താന് പ്രതിജ്ഞയെടുക്കുന്നതായും ഈശ്വരപ്പ അന്ന് പറഞ്ഞിരുന്നു.