ലോക ബഹിരാകാശ രംഗത്ത് ഇന്ത്യ വന്ശക്തിയായെന്ന് പ്രധാനമന്ത്രി നരേന്ദ്ര മോദിയുടെ സുപ്രധാന സന്ദേശം. ലോക്സഭാ തിരഞ്ഞെടുപ്പിന് ദിവസങ്ങള് മാത്രം ബാക്കി നില്ക്കെ ട്വിറ്ററിലൂടെ സുപ്രധാന സന്ദേശം ഉടന് നല്കുമെന്ന മോദിയുടെ പ്രഖ്യാപനം രാജ്യത്തെ ആശങ്കയിലാക്കിയിരുന്നു. നോട്ട് നിരോധനമടക്കമുള്ള പ്രഖ്യാപനങ്ങള് ഇതേ രീതിയിലായിരുന്നു മോദി പ്രഖ്യാപിച്ചിരുന്നത്. എന്നാല്, സുപ്രധാന സന്ദേശം എന്നത് ഉപഗ്രഹങ്ങളെ ചുറ്റിപ്പറ്റി മാത്രമായി.
രാജ്യത്തെ അഭിസംബോധന ചെയ്യുമെന്ന വാര്ത്ത മാധ്യങ്ങള് വന് പ്രാധാന്യത്തോടെയാണ് കൈകാര്യം ചെയ്തത്. എന്നാല്, ഉപഗ്രഹവേധ മിസൈല് പരീക്ഷണം വന് വിജയമായി എന്നായിരുന്നു പ്രഖ്യാപനം. 300 കിലോമീറ്റര് ദൂരത്തിലുള്ള ഉപഗ്രഹം മിഷന് ശക്തി പദ്ധതിയിലൂടെ വികസിപ്പിച്ച മിസൈല് ഉപയോഗിച്ച് തകര്ത്തുവെന്നാണ് മോദി അവകാശപ്പെടുന്നത്.