അമിത് ഷായ്ക്കെതിരെ രൂക്ഷ വിമര്ശനവുമായി തമിഴ്നാട് മുഖ്യമന്ത്രി എംകെ സ്റ്റാലിന്. ഏത് ഷാ വന്നാലും തമിഴ്നാടിനെ ഭരിക്കാന് കഴിയില്ലെന്നും തിരഞ്ഞെടുപ്പില് വിജയം ഡിഎംകെയുടേതാണെന്നും എംകെ സ്റ്റാലിന്. തമിഴ്നാട് എപ്പോഴും ഡല്ഹിയുടെ നിയന്ത്രണത്തിന് പുറത്തായിരിക്കുമെന്നും സ്റ്റാലിന് കൂട്ടിച്ചേര്ത്തു.
കേന്ദ്ര ഏജന്സികളുടെ റെയ്ഡ് ഭയന്നാണ് എഐഎഡിഎംകെ ബിജെപി സഖ്യത്തില് ചേര്ന്നത്. എഐഎഡിഎംകെ സഖ്യത്തെ തട്ടിപ്പുസഖ്യമാണെന്ന് പറഞ്ഞ സ്റ്റാലിന് സംസ്ഥാനത്തെ വിദ്യാര്ത്ഥികള്ക്ക് ബിജെപി നീറ്റില് ഇളവ് നല്കുമോ എന്നും ചോദിച്ചു. സര്ക്കാരിന്റെ പൊതുപരിപാടിയില് സംസാരിക്കുകയായിരുന്നു സ്റ്റാലിന്.
ഹിന്ദി നിര്ബന്ധമാക്കില്ല. പുതിയ മണ്ഡല രൂപീകരണം വഴി തമിഴ്നാടിന്റെ പ്രാതിനിധ്യം കുറയില്ലെന്ന് ഉറപ്പുനല്കാനാകുമോ എന്നും തമിഴ്നാട് മുഖ്യമന്ത്രി ആരാഞ്ഞു. ഇന്ത്യയിലെ മുഴുവന് സംസ്ഥാനങ്ങള്ക്കും വേണ്ടിയാണ് തമിഴ്നാട് പോരാടുന്നത്. സംസ്ഥാനങ്ങള് അവകാശങ്ങള് ചോദിക്കുന്നതെങ്ങനെയാണ് തെറ്റാകുന്നതെന്നും സ്റ്റാലിന് ചോദിച്ചു.
കേന്ദ്രസര്ക്കാര് പരാജയപ്പെട്ടത് കൊണ്ടാണ് തങ്ങള്ക്ക് ചരിത്രവിധി തേടി സുപ്രീംകോടതിയെ സമീപിക്കേണ്ടി വന്നത്. ഗുജറാത്ത് മുഖ്യമന്ത്രിയായിരിക്കെ സംസ്ഥാനങ്ങളുടെ അവകാശത്തിന് വേണ്ടി കേന്ദ്രത്തോട് യാചിക്കണമെന്ന് പറഞ്ഞ മോദിയുടെ പ്രസ്താവനയെക്കുറിച്ച് സ്റ്റാലിന് ഓര്മ്മപ്പെടുത്തുകയും ചെയ്തു.